Navi Mumbai : नवी मुंबईत मनसेला मोठा झटका; उपशहर अध्यक्षासह ५ पदाधिकाऱ्यांचे राजीनामे, काय आहे कारण?

नवी मुंबई शहरात मनसेला मोठा झटका बसला आहे.
Navi Mumbai News
Navi Mumbai NewsSaam TV

सिद्धेश म्हात्रे

नवी मुंबई : नवी मुंबई शहरात मनसेला मोठा झटका बसला आहे. मनसे नवी मुंबई उपशहर अध्यक्षांसह ५ पदाधिकाऱ्यांनी राजीनामे दिले आहेत. पदाधिकाऱ्यांच्या राजीनाम्यामुळे मनसेत खळबळ उडाली आहे. (Latest Marathi News)

Navi Mumbai News
#shorts Hasan Mushrif Wife Crying | मुश्रीफांच्या घरावर छापा, मुश्रीफांच्या पत्नीला भावना अनावर..

नवी मुंबईत मनसेला (MNS) मोठा धक्का बसला आहे. नवी मुंबईत मनसेच्या उपशहर अध्यक्ष प्रसाद घोरपडे यांच्यासह 5 पदाधिकाऱ्यांचा राजीनामा दिला आहे. मनसे प्रवक्ते तथा शहराध्यक्ष गजानन काळे यांच्या आर्थिक हितसंबंधांमुळे काम करण्यास अडचणी येत असल्याने राजीनामा दिल्याचे पदाधिकाऱ्यांनी सांगितले.

गजानन काळे यांचे महापालिकेत आर्थिक हितसंबंध असल्याने अधिकारी आमच्या पत्रांना उत्तर देत नसल्याचा आरोप पदाधिकाऱ्यांनी केला आहे. वरिष्ठांना वारंवार तक्रार करूनही कोणतीही कारवाई होत नसल्याने पक्षात नाराजी असल्याचेही त्यांनी सांगितले.

नवी मुंबईत (Navi Mumbai( मनसेत पदाधिकाऱ्यांच्या राजीनाम्यामुळे पक्षातील अंतर्गत वाद चव्हाट्यावर आला आहे. नवी मुंबईत नेतृत्वबद्दल करण्याची पदाधिकाऱ्यांची मागणी होत आहे. प्रसाद घोरपडे म्हणाले की, 'गेल्या काही दिवसांपासून मी पदावर असल्यापासून मला अंतर्गत बाबींमध्ये त्रास द्यायचा प्रयत्न सुरू होता. मी पक्षाच्या वरिष्ठ नेत्यांना याबाबत सांगितले. त्यावर कुठल्याही प्रकारची कारवाई करण्यात आली नाही. त्यामुळे मनसेच्या नवी मुंबई उपशहर अध्यक्षपदाचा राजीनामा वरिष्ठ नेत्यांकडे सोपावला आहे'.

Navi Mumbai News
Political News :...तर तुमच्या सत्तेचे पीक उद्ध्वस्त झाल्याशिवाय राहणार नाही; ठाकरे गटाचा 'सामना'तून हल्लाबोल

'गजानन काळे हे माझ्या विरोधात बैठक लावत होते. मी तीन-चार घरी होतो, त्यावेळी कोणत्याही प्रकारची विचारपूस करण्यात आली नाही. मला गजानन काळे यांनी कार्यालयात येऊन धमकी दिली होती, असेही घोरपडे म्हणाले. घोरपडे यांच्या आरोपानंतर गजानन काळे काय प्रतिक्रिया देणार, हे पाहावे लागणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com