रुपाली बडवे
नवी मुंबई : नवी मुंबई आंतरराष्ट्रीय विमानतळाला (Navi Mumbai international Airport) दि. बा. पाटील यांचे नाव देणार असल्याचे आश्वासन काल मुख्यमंत्री उद्धव ठाकरे यांनी भूमिपुत्रांना दिलं होत. काल मुख्यमंत्री उद्धव ठाकरे यांची नवी मुंबई येथील भूमिपुत्रांनी भेट घेतली. यावेळी झालेल्या बैठकी दरम्यान मुख्यमंत्र्यांनी (Uddhav Thackeray) हे आश्वासन दिलं होतं. त्यानंतर आज कॅबिनेट मंत्रिमंडळाच्या बैठकीत नवी मुंबई आंतरराष्ट्रीय विमानतळाचे लोकनेते दि.बा.पाटील आंतरराष्ट्रीय विमानतळ या नामकरणास मान्यता मिळाली आहे.
दि.बा. पाटील यांच्या कार्यामुळे त्यांचा नवी मुंबईतील स्थानिक भूमिपुत्रांमध्ये आदर आहे. त्यामुळे नवी मुबंई विमानतळाला दि.बा. पाटील यांचे नाव देण्यासाठी भूमिपुत्र आग्रही होते. त्यासाठी अनेक आंदोलन आणि मोर्चे भूमिपुत्रांनी काढले होते. नवी मुंबईतील महिला देखील दि.बा. पाटील यांचे नवी मुबंई विमानतळाला देण्यासाठी मोठ्या प्रमाणात सहभाग नोंदवला होता. काल पुन्हा भूमिपुत्रांनी मुख्यमंत्री उद्धव ठाकरे यांची भेट घेतली होती. त्यानंतर आज नवी मुंबई आंतरराष्ट्रीय विमानतळाचे लोकनेते दि.बा.पाटील आंतरराष्ट्रीय विमानतळ या नामकरणास मंत्रिमंडळात मान्यता मिळाली आहे. त्यामुळे दि.बा.पाटील यांचे नाव विमानतळाला मिळाल्याने आंदोलन करणाऱ्या स्थानिक भूमिपुत्रांचा मोठा विजय मानला जात आहे. त्यामुळे अनेक दिवसांपासून वादग्रस्त ठरलेल्या नवी मुंबई विमानतळाच्या नावाचा मुद्दा आता निकाली निघाला आहे.
काय होता वाद ?
नवी मुंबई आंतरराष्ट्रीय विमानतळ तयार होण्याआधीच राजकारणाच्या तावडीत सापडलं होतं. या विमानतळाला शिवसेनाप्रमुख बाळासाहेब ठाकरे (Balasaheb Thackeray) यांचे नाव देण्याचा ठराव सिडकोत मंजूर झाला होता. राज्य सरकारनेदेखील या नावाला हिरवा कंदील दाखवला होता.
मात्र, इथल्या प्रकल्पग्रस्तांच्या त्यागातून हे विमानतळ उभं राहत असल्याने प्रकल्पग्रस्तांचे लोकनेते दि. बा. पाटील यांचे नाव देण्याची मागणी नवी मुंबईतील भुमिपुत्र, प्रकल्पग्रस्त संघटना, भाजप आणि मनसेपाठोपाठ आता काँग्रेसनेही केली होती. त्यामुळे या विमानतळाला बाळासाहेब ठाकरे यांचे नाव नको तर दि.बा पाटलांचे नाव द्या या मागणीने चांगलाचं जोर धरला होता. शिवाय राज्यातील बदलत्या राजकीय घडामोडी पाहता ठाकरेंना आता भूमिपुत्रांचा रोष ओढावून घ्यायचा नव्हता. त्यानंतर दि.बा.पाटील यांचे नाव नवी मुंबई विमानतळाला दिल्यानं हा मुद्दा निकाली निघाला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.