अमर घटारे
अमरावती : अमरावती जिल्ह्याच्या खासदार नवनीत राणा (Navneet Rana) व आमदार रवी राणा (Ravi Rana) यांनी घेतलेल्या पत्रकार परिषदेत १४ मे रोजी मुख्यमंत्री उद्धव ठाकरे (CM Uddhav Thackeray) यांच्या सभेपुर्वी दिल्लीत (Delhi) हनुमान मंदिरात महाआरती आणि हनुमान चालीसा पठण करण्याचे जाहीर केले आहे. त्यामुळे राणा दाम्पत्याच्या या आव्हानाला प्रति आव्हान अमरावतीच्या (Amravati) शिवसैनिकांनी दिले आहे.
हे देखील पाहा-
अमरावती जिल्ह्याच्या विकासावर लक्ष न देता पेट्रोल डिझेल व गॅसच्या वाढलेल्या दरावर केंद्र सरकारवर चकार शब्दही न बोलनाऱ्या आमदार खासदार जोडीला सद्बुद्धी मिळण्यासाठी शिवसेना अमरावती महानगराच्यावतीने अमरावती (Amravati) येथील जागृत पांढरी हनुमान मंदिर येथे १४ मे रोजी सकाळी ९ वाजता महाआरती करण्यात येणार अशी माहिती शिवसेना (ShivSena) महानगर प्रमुख पराग गुडधे यांनी दिली.
राजद्रोहाच्या आरोपाखाली तुरुंगातून सुटका झाल्यावर आणि लीलावती रुग्णालयातील उपचारानंतर राणा दाम्पत्याने राजधानी नवी दिल्लीत लोकसभा अध्यक्ष ओम बिर्ला यांची भेट घेतली. २ दिवस विविध नेत्यांच्या भेटीगाठी घेतल्यानंतर त्यांनी आज पत्रकार परिषद घेतली. यावेळी घेतलेल्या पत्रकार परिषदेत त्यांनी मुख्यमंत्र्यांवर जोरदार टीकास्त्र सोडले आहे. आपल्यावर सूडबुद्धीने कारवाई केल्याचा आरोप यावेळी राणा दाम्पत्याने केला आहे.
Edited By- Digambar Jadhav
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.