Breaking: गडचिरोलीतील चकमकीत नक्षलवाद्यांचा बडा नेता मिलींद तेलतुंबडे ठार

यामध्ये 26 हून अधिक नक्षलवाद्यांना कंठस्नान घातल्याचं त्यांनी सांगितलं आहे. हा आकडा आणखी वाढण्याची शक्यता आहे.
Breaking: गडचिरोलीतील चकमकीत नक्षलवाद्यांचा बडा नेता मिलींद तेलतुंबडे ठार
Breaking: गडचिरोलीतील चकमकीत नक्षलवाद्यांचा बडा नेता मिलींद तेलतुंबडे ठारSaam TV

गडचिरोली : जिल्ह्यातील धानोरा तालुक्यातील ग्यारापत्ती-कोटगुल जंगल परिसरात आज पहाटेपासून पोलिस व नक्षलवाद्यांमध्ये मोठी चकमक पाहायला मिळाली. यात जवळपास 26 नक्षलवादी ठार झाल्याची प्राथमिक माहिती समोर आली आहे. त्याचबरोबर नक्षलवाद्यांचा बडा नेता मिलींद तेलतुंबडे ठार झाला आहे. त्याच्यावर 50 लाखांचा इनाम देखील होता, तर मिलींद तेलतुंबडे याचं कोरेगाम भिमा दंगल प्रकरणी नाव समोर आलं होतं. तसेच चार पोलिस जवान जखमी झाल्याचे वृत्त आहे. अप्पर पोलीस अधीक्षक समीर शेख यांनी ऑपरेशनसंदर्भात सविस्तर माहिती दिली आहे. यामध्ये 26 हून अधिक नक्षलवाद्यांना कंठस्नान घातल्याचं त्यांनी सांगितलं आहे. हा आकडा आणखी वाढण्याची शक्यता आहे.

मिळालेल्या माहितीनुसार, गडचिरोली जिल्ह्यातील धानोरा तालुक्यातील ग्यारापत्तीच्या जंगलात शनिवारी सकाळी पोलिसांचे सी-६० पथक शोध अभियान राबवीत होते. यावेळी लपून बसलेल्या नक्षल वाद्यांनी अचानक C-६० पथकावर गोळीबार सुरू केला. प्रत्युत्तरात पोलिसांनीही आक्रमक पवित्रा घेत गोळीबार केला. या चकमकीत 26 पेक्षा जास्त नक्षलवादी ठार झाले आहेत परंतु संपुर्ण माहिती सकाळी ओळख पटल्यानंतर समोर येईल.

Breaking: गडचिरोलीतील चकमकीत नक्षलवाद्यांचा बडा नेता मिलींद तेलतुंबडे ठार
सेक्समुळे हृदयविकाराचा धोका कमी होतो; अहवालात अनेक गोष्टींचा खुलासा

मृतांचा आकडा वाढण्याची शक्यता सूत्रांकडून वर्तवण्यात आली आहे. चकमकीत चार पोलिस जवान जखमी झाल्याचे कळते. गडचिरोलीमध्ये झालेल्या चकमकीत 26 नक्षली ठार झाले तर चार जवान जखमी झाले आहेत. त्याचबरोबर जखमी पोलिसांना हेलिकॉप्टरने नागपुरात उपचारासाठी हलवण्यात आले आहे. पोलीस अधीक्षक अंकित गोयल यांनी पोलिस जखमी झाल्याची माहिती सामला दिली आहे.

गडचिरोली जिल्ह्यातील ग्यारापत्तीच्या जंगलात माओवाद्यांच्या विरोधात पोलिसांनी केलेल्या कारवाईची "आमच्या पोलिसांचा मला अभिमान आहे,"असं म्हणत राज्याचे गृहमंत्री दिलीप वळसे पाटील यांनी प्रशंसा करत पोलिसांचे कौतुक केले आहे.

Edited By: Pravin Dhamale

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com