इंधन, गॅस दरवाढी विरोधात राष्ट्रवादी काँग्रेस आक्रमक... (पहा व्हिडिओ)

राजेश भोस्तेकर

रायगड - इंधन, गॅस दरवाढीने सर्व सामान्यांचे कंबरडे मोडले आहे. केंद्र सरकारच्या नियोजनशून्य कारभाराने महागाईची छळ सर्वांना पोहचू लागली आहे. केंद्र सरकारच्या या करभाराविरोधात आणि इंधन दरवाढी विरोधात अलिबाग तालुका राष्ट्रवादी युवक काँग्रेसतर्फे आंदोलन करण्यात आले. अलिबाग पिंपळभाट येथे राष्ट्रवादी काँग्रेस कार्यकर्त्यानी केंद्र सरकार विरोधात घोषणाबाजी करून इंधन दरवाढी बाबत आपला निषेध व्यक्त केला.

हे देखील पहा -

पेट्रोल, डिझेल शंभरी पार तर गॅस हजार पर्यत पोहचला आहे. त्यामुळे गॅस दरवाढीने सर्वसामान्यांच स्वयंपाक घरातील बजेट बिघडले आहे. वाहनाला लागत असलेल्या इंधनाचे दर दिवसेंदिवस आकाशाला भिडत आहेत. त्यामुळे वाहन चालकांचेही बजेट बिघडले आहे. वाढत्या इंधन दरवाढीमुळे पुन्हा बैलगाडी वापरण्याची परिस्थिती निर्माण झाली आहे. राष्ट्रवादी युवक काँग्रेसने बैलगाडीत मोटार सायकल टाकून अनोख्या पद्धतीने आंदोलन केले.

Edited By - Shivani Tichkule