Gram Panchayat Election Result 2022 : राज्यातील ७ हजार १३५ ग्रामपंचायत निवडणुकांचा (Gram Panchayat) निकाल आज जाहीर होत आहे. राज्यभरातील ग्रामपंचायत निवडणुकीचे निकाल स्पष्ट होत आहे. या ग्रामपंचायत निवडणुकीत राजेश टोपे यांना मोठा धक्का बसला आहे. या निवडणुकीत राजेश टोपे यांच्या समर्थ ग्रामविकास पॅनलला पराभवाला सामोरे जावे लागले आहे. (Latest Marathi News)
माजी आरोग्य मंत्री राजेश टोपे यांच्या समर्थ ग्रामविकास पॅनलचा मोठा पराभव झाला आहे. तर सतिश घाडगे पाटील यांच्या समृद्धी ग्रामविकास पॅनलने माजी आरोग्य मंत्री राजेश टोपे (Rajesh Tope) यांच्या पाथरवाला गावात दणदणीत विजय मिळवला आहे.
समृद्धी विकास परिवर्तन पॅनल सुमनबाई विठ्ठलराव सुडके यांच्याकडून राष्ट्रवादीचं समर्थ ग्रामविकास पॅनलच्या अनिता गंगाधर मरकड यांचा पराभव केला आहे. या पराभवामुळे राजेश टोपे यांना मोठा धक्का बसला आहे. या ग्रामपंचायतील ७ पैकी ५ जागांसह सरपंच घाडगे पाटील यांच्या समृद्धी विकास परिवर्तन पॅनलने दणदणीत विजय मिळवला आहे. समर्थ ग्रामविकास पॅनलच्या पराभवामुळे हा राजेश टोपे यांना मोठा धक्का मानला जात आहे.
केंद्रीय मंत्री रावसाहेब दानवे यांच्या जवखेडा खुर्द गावात ३० वर्षानंतर निवडणूक झाली. या निवडणूकीत (Election News) दानवेंचे वर्चस्व कायम ठेवण्यात त्यांच्या भावजाई सुमन मधुकर दानवे यांना यश आले. यामुळे तीस वर्षांपासून सत्ता कायम राहिली आहे.
जवखेडा खु. गावात लागलेल्‍या निवडणूकीमुळे मागील तीस वर्षानंतर गावात मतदान झाले. यात केंद्रीय मंत्री रावसाहेब दानवे (Raosaheb Danve) यांची प्रतिष्ठा पनाला लागली होती. त्यांच्या भावजाई सुमन दानवे यांनी राष्ट्रवादीच्या (NCP) सुनिता संतोष दानवे यांचा दणाणून पराभव करत पुन्हा एकदा ग्रामपंचायतीवर भाजपचा (BJP) झेंडा फडकवत 30 वर्षाची परंपरा कायम ठेवत केंद्रीय मंत्री रावसाहेब दानवे यांनी प्रतिष्ठा कायम ठेवली आहे.
जालना जिल्ह्यातील 250 ग्रामपंचायतींचे निकाल जाहीर
जिल्ह्यातील 150 ग्रामपंचायतींपैकी 130 ग्रामपंचायतींवर भाजपचा वरचष्मा
पक्ष आणि मिळालेल्या ग्रामपंचायती
भाजप=130
राष्ट्रवादी=56
शिंदे गट =06
ठाकरे गट=14
काँग्रेस=10
इतर=34
एकूण 250
बिनविरोध =16
सर्व एकूण =266
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
