'राज्यसभा निवडणुकीत गाफील राहून पराभव झाला, मात्र...'; एकनाथ खडसेंचे सूचक वक्तव्य

राज्यसभेची निवडणूक झाल्यानंतर राज्यातील सर्वच राजकीय पक्षांचं लक्ष आगामी विधानपरिषदेकडे लागले आहे. यावर राष्ट्रवादीचे नेते एकनाथ खडसे यांनी सूचक वक्तव्य केलं आहे.
Eknath Khadse
Eknath Khadse Saam Tv

अजय दुधाणे

अंबरनाथ : राज्यसभेची निवडणूक झाल्यानंतर राज्यातील सर्वच राजकीय पक्षांचं लक्ष आगामी विधानपरिषदेकडे लागले आहे. आगामी विधानपरिषदेच्या निवडणुकीवर राष्ट्रवादीचे नेते एकनाथ खडसे यांनी सूचक वक्तव्य केलं आहे. 'राज्यसभा (RajyaSabha) निवडणुकीत गाफील राहून पराभव झाला, मात्र विधानपरिषदेला ताकही फुंकून प्यावं लागण्याची आवश्यकता आहे, असं मत राष्ट्रवादीचे नेते आणि विधानपरिषदेचे उमेदवार एकनाथ खडसे (Eknath Khadse) यांनी व्यक्त केलं आहे. (Eknath Khadse News In Marathi )

Eknath Khadse
विधान परिषद निवडणूक महाविकास आघाडी एकत्र लढणार का?, संजय राऊत म्हणाले...

अंबरनाथ शहरात एका कौटुंबिक भेटीसाठी राष्ट्रवादी काँग्रेसचे नेते एकनाथ खडसे आले होते. त्यावेळी खडसेंनी माध्यमांशी संवाद साधला. त्यावेळी त्यांनी राज्यसभेच्या निकालावर भाष्य केलं आहे. राज्यसभेत सहाव्या जागेसाठी शिवसेनेचे उमेदवार संजय पवार यांचा पराभव झाल्यानंतर महाविकास आघाडीत चर्चेला उधाण आलं आहे. दरम्यान या राज्यसभेच्या निवडणुकीनंतर एकनाथ खडसेंनी सूचक वक्तव्य केलं आहे. खडसे म्हणाले, 'राज्यसभेच्या निवडणुकीमध्ये आम्ही बरंच काही शिकलो. जो अतिआत्मविश्वास होता किंवा ज्याप्रमाणे दुर्लक्ष झालं. ते आता दुर्लक्ष करता काम नये ही एक शिकवण आम्हाला त्यातून मिळाली. मात्र शेवटी पराभव हा पराभव असतो. तो शिवसेनेचा जरी झाला तरी महाविकास आघाडीचा पराभव म्हणून तो जिव्हारी लागल्यासारखा आहे, असं एकनाथ खडसे म्हणाले.

Eknath Khadse
धनंजय महाडिकांनी राजू शेट्टींचे रस्त्यावरच घेतले आशीर्वाद; साधेपणाचा व्हिडीओ व्हायरल

पुढे खडसे म्हणाले, ' आता विधानपरिषदेला दूध पिण्याच्या आधी ताकही फुंकून प्यावं लागतं तशाप्रकारे आता विधानपरिषदेची तयारी करत असताना प्रत्येक गोष्ट तपासून आणि विश्वासाने करण्याची आवश्यकता आहे, असं खडसे म्हणाले. 'गाफील राहून मागचा पराजय झाला, अशी कबुली देत आता अधिक गाफील न राहता काळजीपूर्वक लक्ष देऊन हा विजय संपादित करायचा आहे, त्यामुळे सर्वांनी आता मागच्या पराभवाचा धडा घेऊन आता विधानपरिषदेच्या रणनीती ठरवण्याचं ठरवलेलं आहे, असंही एकनाथ खडसे म्हणाले.

Edited By - vishal Gangurde

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com