निलंगा पोलीस ठाणे हद्दीत सापडलेल्या अनोळखी व्यक्तीच्या खुनाचा उलगडा; आरोपींना अटक

लातूर - जिल्ह्यातील पानचिंचोली येथे लातूर (Latur) ते जहीराबाद मार्गावर रोडच्या बाजूला नालीमध्ये एक अनोळखी पुरुष जातीचे प्रेत आढळून आले होते. त्यावरून पोलीस (Police) ठाणे निलंगा येथे आकस्मात मृत्यूची नोंद करण्यात आली होती. पैशाच्या व्यवहारावरून व त्याच्या सोबत असलेल्या अनैतिक संबंधा वरून खून केल्याचे स्पष्ट झाले आहे.

हे देखील पाहा -

तपासा दरम्यान मयताचे नाव भानुदास माळी असे असल्याचे त्याच्या नातेवाईकाकडून सांगण्यात आले. मयत भानुदास हे एका महिला व पुरुषाच्या संपर्कात असल्याचे निष्पन्न झाले. त्यानंतर पोलिसांनी अमरनाथ किने यास ताब्यात घेऊन कसून चौकशी केली असता त्याने पंढरपूर येथील एका महिलाच्या सहाय्याने भानुदास माळी यास पंढरपूर येथून सोबत घेऊन पानचिंचोली रोडवर गाडीमध्ये गळा आवळून खून केल्याचे सांगितले.

या माहितीवरून पोलिसांच्या तपास पथकाने सदर महिलेला ताब्यात घेऊन चौकशीसाठी निलंगा येथे आणले. चौकशी दरम्यान तिने तिचा मित्र अमरनाथ किने याच्या सहाय्याने भानुदास माळी याच्या सोबत असलेल्या पैशाच्या व्यवहारावरून व त्याच्या सोबत असलेल्या अनैतिक संबंधा वरून खून केल्याचे सांगितले.