कोकण रेल्वेचेही खासगीकरणं; ६९ स्थानकांचा ताबा ठेकेदारास?

काेल्हापूर : देशाच्या अर्थमंत्री निर्मला सीतारामन Nirmala Sitharaman यांनी माॅनिटायझेशनच्या मालमत्ता निश्चित केल्या आहेत. यामध्ये काेकण रेल्वे kokan railway मार्गाचा सुमारे ७५६ किलाेमीटर अंतराचा समावेश आहे. यामधून शासनास ७२८१ काेटी रुपये मिळणार असल्याचा दावा केला जात आहे. दरम्यान यामुळे प्रवासी रेल्वेसारख्या सुविधांचे खासगीकरण हाेईल अशी भीती व्यक्त केली जात आहे.

काेविड १९ मुळे शासनाची तिजाेरीत सातत्याने खडखडाट हाेत आहे. काेविडच्या पहिल्या लाटेपेक्षा दुस-या लाटेमुळे देशाच्या अर्थव्यवस्थेला माेठा फटका बसला. परिणामी सरकारला पायाभूत प्रकल्प पुर्ण करण्यासाठी निधीची कमतरता भासत आहे. त्यामुळे माॅनिटायझेशन सारखी प्रक्रिया अंमलात आणून सरकारी मालमत्तांचे खासगीकरण करण्यात येत आहे.

नीती आयोगाच्या अहवालानूसार राष्ट्रीय महामार्गापासून काही महत्वाच्या प्रकल्पांची सरकार विक्री करणार आहे. आपलीच एक मालमत्ता विकून दुसरी मालमत्ता उभारण्यासाठीचा सरकारचा हा प्रयत्न आहे. यामध्ये विमानतळ, रेल्वे मार्ग, राष्ट्रीय महामार्गांचा समावेश आहे.

यामध्ये कोकण रेल्वेतील ६९ स्थानकांचा ताबा ठेकेदाराकडे जाणार आहे. त्यातून केंद्र सरकारला ७२८१ कोटी रुपये मिळणार असल्याची दाट शक्यता वर्तवली आहे. दरम्यान मॉनिटायझेशनमध्ये २६ टक्के रेल्वेचा वाटा असेल.

Edited By : Siddharth Latkar