- विनायक वंजारे
Nitesh Rane News : हिंदुहृदयसम्राट बाळासाहेब ठाकरेंचा (balasaheb thackeray) एक वेगळा रुबाब होता. मोठ्यातला मोठा नेता, कलाकार मातोश्रीवर यायचा, बाळासाहेब ठाकरे यांना नमस्कार करायचा आणि मगच मुंबईत यायचा. परंतु काल (रविवार) उद्धव ठाकरे (uddhav thackeray) यांना जी वागणूक मिळाली त्यावर त्यांनी विचार करावा. भाजपा सोबत असताना उद्धव ठाकरेंना जो मान होता. तो काल दिसला नाही अशी टिप्पणी आमदार नितेश राणे (mla nitesh rane) यांनी रविवारी महाविकास आघाडीच्या बैठकीवर केली. सिंधुदुर्ग (sindhudurg) जिल्ह्यात राणेंनी आज (साेमवार) माध्यमांशी संवाद साधला.
नितेश राणे म्हणाले भाजपसोबत असताना उद्धव ठाकरे यांचा सन्मान होता. आता महाविकास आघाडीत ठाकरेंची अवस्था सरदारासारखी झाली आहे. दरम्यान महाराष्ट्रात दंगली घडवून आणण्याचा प्लॅन उद्धव ठाकरे यांचा होता असा गंभीर आराेप करीत याबाबत पोलिसांनी तपास करावा त्यांची नार्काे टेस्ट करावी अशी मागणी राणेंनी केली आहे.
या पत्रकार परिषदेत नितेश राणेंनी संजय राऊत यांच्यावर टीका केली. ते म्हणाले संजय राऊत हे नाना पाटोलेंच्या बाजूला बसले हाेते. तेथेच राऊत हे काँग्रेसचा अपमान करीत हाेते. त्याचबरोबर राऊत हे महाविकास आघाडीतील शकुनी मामा, नारद मुनी आहे असे राणेंनी म्हटलं. कर्नाटकात हिरवे झेंडे फडकवले गेले. काँग्रेस कुणाला खुश करत आहे ? असा प्रश्न उपस्थित करुन पाकिस्तानला तुम्ही खूश करीत आहेत असा सवाल राणेंनी काॅंग्रेजनांसमाेर उपस्थित केला.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
