सभेला येताना दोन वेळचा डबा आणा; पालकमंत्र्यांना राणेंचा सल्ला

सिंधुदुर्ग : जिल्हा नियोजनची सभा येत्या १६ तारखेला हाेणार आहे. ही सभा वादळी होणार असल्याचे स्पष्ट संकेत आमदार नितेश राणे यांनी आज (बुधवार) येथे दिले. नऊ महिन्यांनंतर ही सभा होत असून या सभेत पालकमंत्री उदय सामंत यांना घाम फोडणार असल्याचा इशारा नितेश राणे यांनी दिला. nitesh rane uday samant ratnagiri sindhudurg political news

नितेश राणे म्हणाले जिल्हा नियाेजनचा निधी पालकमंत्री एकट्याने वाटू शकत नाही. काेणताही निधी द्यायचा असेल तर सदस्यांच्या एकमताने देणे आवश्यक आहे. पालकमंत्री दिपक केसरकर यांच्याकडून शिकण्यापेक्षा केंद्रीय मंत्री नारायण राणे यांच्याकडून शिकावे. जेणेकरुन तुम्हांला नियमाने काम कसे करायचे हे समजेल. प्रत्येक बाबतीत जिल्हा परिषदेवर बाेट दाखविता, निधी वाटपात भेदाभाव करता अशा सर्व नियम बाह्य गाेष्टी समाेर आणून आम्ही आता पालकमंत्री यांना घाम फाेडणार आहाेत.

पालकमंत्री उदय सामंत यांनी या सभेला येताना दोन वेळचा डबा आणावा. हवं तर आम्ही त्यांना नाष्टा देताे. परंतु फुलपाखरु सारखे आले आणि गेले असे आम्ही चालू देणार नाही असे राणेंनी ठणकावले. जिल्हा नियोजन समितीच्या सभेच्या आधीच सहा दिवस या सभेवरून शिमगा सुरू झाला असून नेमकं या सभेत काय होणार याचीच सर्वांना उत्सुकता लागली आहे

edited by : siddharth latkar