Malegoan News : वीज वितरण कंपनीच्या तांत्रिक कामासाठी शनिवारी (ता. 13 मे) गिरणा धरण वाढीव पाणीपुरवठा योजनेचा वीजपुरवठा खंडित केला जाणार आहे. यामुळे शनिवारी मालेगाव शहरातील पाणीपुरवठा बंद ठेवण्यात येणार आहे. तरी नागरिकांनी पाण्याचा काटकसरीने वापर करावा असे आवाहन करण्यात आले आहे. (Maharashtra News)
दरम्यान शनिवारनंतर नेहमीप्रमाणे एक दिवसाआड पाणीपुरवठा सुरळीत सुरू राहील, अशी माहिती महानगरपालिका पाणीपुरवठा विभागातर्फे देण्यात आलीय. वीज वितरण कंपनीच्या सायने सबस्टेशनवरील एक्सप्रेस फीडरवरील तांत्रिक कामे करण्यासाठी वीजपुरवठा खंडित होणार आहे. या काळात गिरणा पंपिंग स्टेशनला मोठ्या कालावधीसाठी विद्युत पुरवठा केला जाणार नाही.
त्यामुळे गिरणा धरण उद्भव विहिरीचे पाणी पंपिंग ठप्प होणार आहे. त्यामुळे या (शनिवार) दिवशीचा पाणीपुरवठा होणार नाही. शनिवारचा नियोजित पाणीपुरवठा रविवारी आणि रविवारचा नियोजित पाणीपुरवठा सोमवारी केला जाणार असून अशा पद्धतीने एक दिवसाआड पाणीपुरवठा पूर्ववत होईल. नागरिकांनी पाणी जपून वापरावे, असं आवाहन करण्यात आले आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
