अविनाश कानडजे
औरंगाबाद: बहिणीला त्रास देतो म्हणून बायकोच्या भावाने आपल्या दाजीचा काटा काढला आहे. औरंगाबाद जिल्ह्यातील (Aurangabad) कन्नड तालुक्यामधील नेवपूर येथे एका अनोळखी इसमाचा मृतदेह पोलिसांना सापडला होता. दहा दिवसानंतर या मृतदेहाची ओळख पटवण्यात पोलिसांना यश आले आहे. कडुबा विठ्ठल सोळुंके असे मृत तरुणाचे नाव आहे. पोलिसांनी (Police) दिलेल्या माहितीनुसार, नेवपुर येथील पूर्णा नेवपुर मध्यम प्रकल्पाच्या मुख्य गेटजवळ 30 वर्षीय अनोळखी तरुणाचा मृतदेह आढळला होता.
या तरुणाचा गळा आवळून धारदार शस्त्राने वार करून खून केल्याचे तपासात निष्पन्न झाले होते. मात्र खुनातील तरुणाची ओळख न पटल्याने तरुणाची ओळख पटवून आरोपीचा शोध घेण्याचे आव्हान पोलिसांसमोर होते. अप्पर पोलीस अधीक्षक पवन बनसोड यांच्या मार्गदर्शनाखाली तपासासाठी दोन पथके तयार करण्यात आली होती. मृताच्या दाढीला टाके आणि पायाला टाके पडलेले होते, त्यावरून एका बाईने मृताची ओळख पोलिसांना सांगितली. त्यानुसार, पोलिसांनी त्याच्या घरी जाऊन विचारपूस केली असता.
मृत कडुबा हा त्याच्या पत्नीला दारू पिऊन नेहमी त्रास देत होता, म्हणून मेहूण्याने आपल्या मेहुण्याचा खून केल्याचे पोलीस तपासात निष्पन्न झाले. त्यानंतर पोलिसांनी मृत कडुबा यांचा साला सोमीनाथ खांदवे याला अटक केली आहे. परंतु, आपला पति दहा दिवसापासून बेपत्ता आहे. तर पत्नीने पोलिसात तक्रार का केली नाही? हा प्रश्न अजूनही अनुत्तरित आहे. या खुणा मध्ये अजून कोणी सामील आहे का याचा शोध पोलिस लागतीलच. ही कारवाई स्थानिक गुन्हे शाखा आणि पिशोर पोलीसांनी संयुक्तरीत्या केली आहे. तर पुढील तपास पोलीस उपनिरीक्षक विजय आहेर हे करत आहेत.
Edited By: Pravin Dhamale
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.