Amboli Ghat : आंबोली घाटात ट्रकची चाकं निखळली; एकेरी वाहतुक सुरु

- विनायक वंजारे

सिंधुदुर्ग : आंबोली घाटातील (amboli ghat) वाहतुक आज (शुक्रवार) सकाळपासून एकेरी मार्गाने सुरु आहे. या घाटात एक अपघात (accident) झाल्याची माहिती मिळताच पाेलिस घटनास्थळी दाखल झाले. पाेलिसांनी (police) दुचाकी तसेच छाेट्या वाहनांसाठी वाहतुक सुरु ठेवली असून सध्या या घाटात अवजड वाहनं एका बाजूला जागेवर उभी करण्यात आली आहेत. (amboli ghat news)

आंबोली घाटात (amboli ghat) चाळीस फूट मोरी परिसरात एका ट्रकची मागील दोन चाके सुटून अपघात (accident) घडला. सुदैवाने या अपघातात कोणतीही जीवित हानी झाली नाही. मात्र ट्रक रस्त्यातच अडकून पडल्यामुळे दोन्ही बाजूने वाहतूक कोंडी झाली आहे. ही घटना आज सकाळी साडे दहा वाजण्याच्या सुमारास घडली.

यावेळी वाहतूक पोलिसांकडून वाहतूक कोंडी होऊ नये यासाठी दुचाकी व लहान चार चाकी गाड्यांना एका बाजूने सोडण्यात येत आहे. मात्र दोन्ही बाजूने एसटी बस व इतर मोठी वाहने अडकून पडली आहेत.

Edited By : Siddharth Latkar