शरीरसुखाच्या मागणीला विरोध; महिलेसह कुटुंबियांना मारहाण

बीड: शरीरसुखाच्या मागणीला विरोध केल्याने, महिलेसह कुटुंबातील व्यक्तींना जबर मारहाण करण्यात आली आहे. ही धक्कादायक घटना बीडच्या दिंद्रुडमध्ये घडली आहे. पीडित महिला आपल्या शेतात काम करत असताना, शेजारील एका व्यक्तीनं, महिला एकटी काम करत आहे. हे पाहून छेडछाड करत 'तुझा नवरा बाहेरगावी असतो, असं म्हणत शरीर सुखाची मागणी केली.

त्यांनतर वाद सुरू झाला. यावेळी शरीरसुखाला नकार देताच, त्याने पीडितेचा हात ओढत मारहाण केली. यावेळी मध्यस्थीला धावून आलेल्या घरातील वृद्ध दांपत्याना देखील आरोपी सह पाच जणांनी, पीडित कुटुंबातील सर्वांना मारहाण केली. यावेळी काट्या कुऱ्हाडीसह लाथा बुक्याने ही मारहाण करण्यात आल्याचं पीडित कुटुंबानी सांगितलं आहे.

संबंधित घटनेनंतर दिंद्रुड पोलिसात गुन्हा दाखल करण्यात आला असून आरोपीच्या शोधात दोन पोलीस पथक रवाना झाली आहेत. अशी माहिती पोलीस निरीक्षक प्रभा पुंडगे यांनी दिली आहे. दरम्यान मारहाणीमध्ये जखमी झालेल्या पीडित जखमी कुटुंबातील काही जणांवर अंबाजोगाई येथील शासकीय रुग्णालयात उपचार सुरू आहेत.

Edited By: Pravin Dhamale