जालना: अंबड पोलीस ठाण्याचे (Ambad Police Station) तत्कालीन वादग्रस्त पोलीस निरीक्षक देविदास शेळके यांच्याविरुद्ध वाळू माफियांना अभय दिल्याबाबत कारवाई करण्याबाबतच्या याचिकेला अंबड न्यायालयाने अखेर हिरवा कंदील दिला आहे. तब्बल तीन वर्षानंतर पोलीस निरीक्षक शेळके व उपनिरीक्षक माने यांच्या विरुद्ध फौजदारी कारवाई करण्याचे आदेश दिले आहेत त्यामुळे पोलिस दलात एकच खळबळ उडाली आहे.
अंबड पोलीस ठाण्याचे तत्कालीन उपनिरीक्षक पांडुरंग माने यांनी दि.५ मार्च २०१८ रोजी वाळू तस्करीचा हायवा पकडून ताब्यात घेतला. दरम्यान तत्कालीन पोलिस निरीक्षक देविदास शेळके यांनी मोबाईल वरून माने यांना हायवा सोडून देण्यास सांगितले. त्यानंतर हायवा सोडून देण्यात आला. सामाजिक कार्यकर्ते देवानंद चित्राल व त्यांच्या सहकाऱ्यांनी ही बाब उघडकीस आणली.
पोलीस प्रशासनाने निरीक्षक शेळके उपनिरीक्षक माने यांना पाठीशी घातल्यामुळे पोलीस निरीक्षक शेळके, उपनिरीक्षक माने यांच्यासह गुन्हेगारांना मदत केल्याबाबत उपविभागीय पोलीस अधिकारी रमेश सोनुने व अन्य चार कर्मचाऱ्या विरुद्ध कारवाई करण्यात यावी या बाबद देवानंद चित्राल यांनी अंबड न्यायालयात याचिका दाखल केली होती. या प्रकरणी तब्बल तीन वर्ष सुनावणी झाल्यानंतर आज चार ऑगस्ट रोजी न्यायालयाने या प्रकरणावर निकाल देतांना तत्कालीन पोलिस निरीक्षक शेळके उपनिरीक्षक माने यांच्याविरुद्ध १५६ (३) कलम अंतर्गत फौजदारी कारवाई करण्याचे आदेश दिले आहे.
याचं प्रकरणात उपविभागीय पोलिस अधिकारी सोनवणे व अन्य चार जणांना पुराव्या अभावी क्लीनचिट देण्यात आली आहे. मात्र या पाच ही जणा विरुद्ध कारवाई करण्यात यावी यासाठी आपण वरिष्ठ न्यायालयात याचिका दाखल करणार असल्याचे याचिकाकर्त्यानी म्हंटल, या प्रकरणा मुळे पोलिस दलात एकच खळबळ उडाली आहे.
Edited By: Pravin Dhamale
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
