जालना: सध्या देशासह राज्यात सध्या मंदिर, मस्जिद आणि भोंग्यावरुन राजकीय वातावरण तापलेलं आहे. असं असताना जालना (Jalna) जिल्ह्यातील परतूर (Parutr) शहरात चक्क पाकिस्तान गल्ली (Pakistan Galli) असल्याचं समोर आलं आहे. नगर परिषदेच्या वतीने मालमत्ता कर वसुलीसाठी करण्यात आलेल्या सर्वेदरम्यान पालिकेने हे नामकरण केल्याने पालिकेचा सुलतानी कारभार समोर आला आहे. शत्रुराष्ट्राविषयी विषयी नागरिकांत प्रचंड चीड असताना परतूर नगरपरिषेदेन भारतातल्या, त्यातल्या त्यात महाराष्ट्रातल्या भूमीत असलेल्या परिसराचं 'पाकिस्तान गल्ली'असं नामकरण केल्याने स्थानिक नागरिकांकडून संताप व्यक्त केला जात आहे. (Pakistan street in Jalna! Partur Municipal Council's Mistake)
हे देखील पाहा -
जालना जिल्ह्यातील परतूर शहरात मालमत्ता कर आकारणीसाठी नुकताच सर्वे करण्यात आला. यात शहरातील अनेक मालमत्तांचे प्रत्यक्ष निरीक्षण करून त्यांना मालमत्ता करांच्या नोटीसा देण्यात आल्या. याप्रकरणी शहरात प्रचंड वादंग माजलेले आहे. असं असताना जुना मोंढा भागातील शनिमंदिर आणि प्रबुद्धनगर येथील काही रहिवाशांना 'पाकिस्तान गल्ली' असा पत्ता असलेली नोटीस दिली गेल्याने हा संपूर्ण प्रकार समोर आला आहे.
काँग्रेसचे माजी आमदार सुरेश जेथलिया यांचं वर्चस्व असलेल्या पालिकेच्या दस्ताऐवजात तसेच भाजपचे जालना जिल्ह्याचे ज्येष्ठ नेते तथा केंद्रीय रेल्वे राज्यमंत्री रावसाहेब दानवे (Raosaheb Danve) यांच्या जिल्ह्यात पाकिस्तान केव्हा सामील झाला? असा प्रश्न नागरिक आता उपस्थित करत आहे.
Edited By - Akshay Baisane
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
