Palghar News : पालघरमधून भीषण अपघाताची मोठं वृत्त हाती आलं आहे. पालघरमध्ये मुंबई-अहमदाबाद महामार्गावर दुचाकीवरील तिघांना ट्रकने चिरडल्याची घटना घडली आहे. मुंबई-महामार्गावर चारोटी एशियन पेट्रोल येथे हा भीषण अपघात झाला आहे. या तिन्ही दुचाकीस्वाराचा जागीच मृत्यू झाला आहे. अपघातानंतर परिसरात एकच खळबळ उडाली असून पोलीस घटनास्थळी दाखल झाले आहेत. (Latest Marathi News)
मिळालेल्या माहितीनुसार, मुंबई-महामार्गावर डहाणुतील (Dahanu) चारोटी या ठिकाणी हा भीषण अपघात झाला आहे . दुचाकीवर ट्रिपल सीट असताना रस्ता ओलांडताना हा भीषण अपघात झाला आहे. या अपघातात दुचाकीस्वारांना थेट १०० मीटरपेक्षा अधिक अंतर फरफटत नेलं.
अपघातात (Accident) मृत्यूमुखी पडलेले तिन्ही दुचाकीस्वार हे तलासरी येथील असल्याची प्राथमिक माहिती समोर आली आहे. अपघात झाल्याची माहिती मिळताच पोलिसांनी घटनास्थळी धाव घेतली. तिन्ही तरुणांचे मृतदेह पोलिसांनी ताब्यात घेतले असून शासकीय रुग्णालयात हलवले आहे.
पुण्यात वाहनाने १७ महिलांना उडवलं, हृदयद्रावक घटना
पुण्यातून भीषण अपघाताची घटना समोर आली आहे. पुणे-नाशिक महामार्गावरील राजगुरुनगर जवळच्या शिरोली, (ता. खेड) परिसरात सोमवारी रात्री भीषण अपघात झाला आहे. भरधाव वेगात जाणाऱ्या अज्ञात वाहनाने रस्ता ओलांडणाऱ्या महिलांच्या घोळक्याला जोरदार धडक दिली. या अपघातात पाच महिलांचा जागीच मृत्यू झाला. तर १२ महिला जखमी झाल्या आहेत.
जखमींवर रुग्णालयात उपचार सुरू आहे. जखमींपैकी दोघींची प्रकृती चिंताजनक असल्याची माहिती आहे. अपघातानंतर अज्ञात वाहनचालक पसार झाला असून (Police) त्याचा शोध घेत आहेत. या भयंकर घटनेनं परिसरातून हळहळ व्यक्त होत आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.