रुपेश पाटील
Palghar Crime News : पालघर बँक ऑफ बडोदा बोईसर शाखेच्या स्टोर रूममधील एक्झॉस्ट फॅनमधील बोगद्यातून प्रवेश करत बँकेवर दरोडा टाकणाऱ्या दोघांच्या मुसक्या पालघर पोलिसांनी आवळलल्या आहेत. (Latest Marathi News)
मिळालेल्या माहितीनुसार, बोईसर शहरात असलेल्या बँक ऑफ बडोदा शाखेवर काल, शनिवारी मध्यरात्रीच्या सुमारास बँकेतील स्टोर रूममध्ये असलेल्या एक्झॉस्ट फॅनच्या बोगद्यातून प्रवेश केला.
त्यानंतर दोन चोरट्यांनी वीस रुपयांच्या नाण्यांच्या तब्बल पाच बॅग अशा एकूण दोन लाख रुपयांचा दरोडा टाकत चोरटे पसार झाले होते. ही चोरीची घटना बँकेतील स्टोर रूममधील सीसीटीव्ही कॅमेरात कैद झाली असून यानंतर पोलिसांनी दोन आरोपींना अटक केली आहे.
विशेष म्हणजे या चोरट्यांनी एक रात्र आधी या बँकेवर पहारा देखील ठेवला होता या प्रकरणात अवघ्या काही तासातच पालघर पोलिसांनी एक बावीस तर दुसरा १९ वर्षीय आरोपीला अटक केली आहे.
या प्रकरणात बोईसर पोलीस ठाण्यात कलम 380 , 457 , 454 नुसार गुन्हा दाखल करण्यात आला आहे. याप्रकरणी पुढील तपास बोईसर पोलिसांकडून सुरू आहे. मात्र स्टोर रूमसारख्या महत्त्वाच्या ठिकाणी एक्झॉस्ट फॅन ठेवणाऱ्या बँकेच्या शाखा व्यवस्थापनाची ही पालघर पोलीस अधीक्षकांनी कान उघडणी केली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.