Pandharpur Accident News: देवदर्शनानंतर घरी निघाले, वाटेत काळाचा घाला; ३ भाविक जागीच ठार, ७ जखमी

संजय जाधव

Shegaon Accident News: पंढरपूर येथून अपघाताची एक मोठी बातमी समोर आली आहे. विठोबाच्या दर्शनासाठी गेलेल्या शेगावातील भाविकांच्या वाहनाला परतत असताना भीषण अपघात झाला आहे. या अपघातात ३ भाविक ठार झाले असून ७ जण गंभीर जखमी झाले आहे. (Latest Accident News)

घटनेबाबत अधिक माहिती अशी की, बुलढाणा (Buldhana) जिल्ह्यातील शेगाव जवळच हा अपघात घडला आहे. आज सकाळी सहाच्या सुमारास शेगाव शहराच्या प्रवेशद्वाराजवळ भाविक आपल्या वाहनाने आले. यावेळी त्यांची चारचाकी कार शहराच्या प्रवेशद्वारावर लावण्यात आलेल्या स्वागत फलकाच्या पिलरवर धडकली.

या अपघातामध्ये ३ भाविक जागीच ठार तर 7 भावीक गंभीर जखमी झाले आहेत. नागरिकांच्या मदतीने सर्व भाविकांना शेगावच्या सईबाई मोटे उपजिल्हा रुग्णालायात दाखल करण्यात आले. यानंतर गंभीर जखमी असलेल्या भाविकांना पुढील उपचारार्थ अकोल्यात हलवण्यात आले आहे. चालकाला झोप लागल्याने हा अपघात झालायचे समजते. रात्रीपासून हा प्रवास सुरु होता आणि अगदी त्यांच्या घरापासून फक्त २ किलो मीटर अंतर बाकी होते.

भरधाव गाडीची 5-6 गाड्यांना जोरदार धडक; दोघांचा मृत्यू

रविवारी रात्री पुण्यातील उंड्री चौकात भीषण अपघात झाला आहे. ब्रेक फेल झालेल्या गाडीने ५ ते ६ गाड्यांना जोरदार धडक दिली. या अपघातात २ जणांचा मृत्यू झाला आहे तर चार जण जखमी झाले आहेत.

तीव्र उतारावर हा अपघात झाला आहे. मोहम्मदवाडी परिसरात अपघात झाल्याने मोठी वाहतूक कोंडी पाहायल मिळत आहे. कोंढवा पोलीस घटनास्थळी दाखल झाले असून अपघातातील जखमींना खाजगी रुग्णालयात उपचारासाठी पाठवण्यात आलं आहे.