पंढरपूर - अकलूज (Akluj) येथे एक धक्कदायक घटना घडली आहे. बापानेच स्वतःच्या 12 वर्षाच्या अल्पवयीन मुलाचा गळा आवळून खून केल्याचा धक्कादायक प्रकार माळशिरस तालुक्यातील अकलूज येथे समोर आला आहे. अलोक सावंत असं मृत मुलाचे नाव आहे. ही धक्कादायक घटना मंगळवारी समोर आली आहे.
हे देखील पहा -
याप्रकरणी संशयित आरोपी प्रशांत सावंत या निर्दयी बापाच्या विरोधात अकलूज पोलीस ठाण्यात खुनाचा गुन्हा दाखल करण्यात आला आहे. मयत १२ वर्षीय मुलाला गुटखा खाण्याचे व्यसन होते. तो सतत गुटखा खात असे. या शिवाय तो चोऱ्या देखील करत होता. दोन वेळा त्याने चोरी केल्याची कबुली देखील दिली होती.
दोन दिवसा पूर्वी मयत अलोकने अकलूज येथील धाईंजे यांच्या घरात चोरी केल्याची कबुली दिली होती. त्याच्या चोरीच्या सवयीने घराची बदनामी झाल्याच्या रागातून आरोपीने मुलगा अलोक यास बाहेर खायला जाऊ असे सांगत त्यास घराबाहेर नेले. त्यानंतर श्रीराम थेटर जवळ झुडपात नेऊन त्याचा गळा दाबून खून केला. या प्रकरणी मुलाची आई भारती सावंत यांनी आरोप पतीच्या विरोधात फिर्याद दिली आहे. त्यावरून आरोपी प्रशांत सावंत यास पोलिसांनी ताब्यात घेतले आहे.
Edited By - Shivani Tichkule
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.