पंढरपूर : जरांगे पाटील यांचे उपोषण हे मराठा समाजाला आरक्षण मिळावे यासाठी नव्हते. तर मराठवाड्यातील मराठ्यांना कुणबी प्रमाणपत्र द्यावे या मागणीसाठी आहे; असा गौप्यस्फोट उद्धव ठाकरे गट शिवसेनेचे नेते अनिल परब यांनी आज (Pandharpur) पंढरपुरात केला. अनिल परब (Anil Parab) यांच्या वक्तव्यावरून आता नवा वाद निर्माण होण्याची शक्यता आहे. (Latest Marathi News)
विठ्ठल रूक्मिणी दर्शनासाठी अनिल परब आज पंढरपुरात आले होते. यावेळी त्यांनी माध्यमांशी संवाद साधला. वंशवळ न पाहता सरसकट कुणबी दाखले मिळावे (Maratha Aarkshan) अशी त्यांनी मागणी केली. सामाजिक, आर्थिक मागासलेपण सिद्ध झाले पाहिजे. इम्परिकल डाटा जमा झाला पाहिजे. त्याशिवाय मराठा समाजाला आरक्षण मिळणार नाही. कुणबी विरुद्ध मराठा, मराठा विरुद्ध ओबीसी असा वाद निर्माण केला जात असल्याचा आरोप ही अनिल परब यांनी केला.
सुप्रीम कोर्टाने लवकर सुनावणी घेऊन निर्णय द्यावा. सुप्रीम कोर्टाने निर्णय दिल्यानंतर हे सरकार जाते की राहते हे पाहावे लागेल. निवडणुका घ्याव्या लागतील की नवा पर्याय शोधावा लागेल. राष्ट्रवादीमधील फूट हा त्यावरील पर्याय भाजपकडून असू शकतो असे ही परब म्हणाले.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
