भीमा सहकारी साखर कारखाना निवडणुक; प्रचारात दोन गटात राडा, कामगारांवर भिरकावले दगड

पंढरपूर : भीमा सहकारी साखर कारखान्याच्या (Sugar Factory) निवडणुकीतील सत्ता संघर्ष आता टोकाला पोहोचला आहे. कारखान्याचे विद्यमान संचालक प्रभाकर देशमुख आणि कारखान्याच्या कामगारांमध्ये बाचाबाची झाली. यावेळी संचालक देशमुख यांनी विरोधात प्रचार का करता असा जाब विचारत कामगारांवर दगड भिरकावले. (Tajya Batmya)

वरकुटेमध्ये आज सत्ताधारी चेअरमन खासदार धनंजय महाडिक यांचे समर्थक संचालक प्रभाकर देशमुख यांनी साखर कारखाना कामगारांना विरोधात (Election News) प्रचार का करता? असे म्हणत कामगारांना धक्काबुक्की केली. मारहाण करण्यासाठी दगड उचलले. यामुळे मोहोळ व पंढरपूर (Pandharpur) परिसरात मोठा तणाव निर्माण झाला आहे.

दांडक्याने मारहाण केल्याचा आरोप

या सदर प्रकारात संचालक प्रभाकर देशमुख यांनी दांडक्याने मारहाण केल्याचा आरोपही कामगारांनी केला आहे. तर विरोधी राजन‌ पाटील गटाच्या लोकांनी माझी गाडी अडवून धक्काबुक्की केल्याचा आरोप प्रभाकर देशमुख यांनी केला आहे.