पंढरपूर : पंढरपूर शहरातील कोळी गल्लीतील घराखालची जमीन अचानक खचली. यात घर देखील (Pandharpur) खाली खचले असून या घटनेमध्ये तीन महिला जखमी झाल्या आहेत. या घटनेमुळे परिसरात घबराट निर्माण झाली आहे. (Maharashtra News)
पंढरपूर शहरातील केाळी गल्लीतील राजू शिंदे यांचे घरातील एका खोलीतील जमीन वीस ते पंचवीस फूट खोल खचली. यामुळे येथे मोठा खड्डा पडला आहे. यावेळी घरात असलेल्‍या महिला देखील या खड्डयामध्ये पडल्‍याने तीन महिला जखमी झाल्या आहेत. जखमींना उपजिल्हा रुग्णालयात दाखल केले आहे.
नागरीकांची धाव
सदर प्रकार झाल्‍यानंतर परिसरात घबराट पसरली. आवाज झाल्‍याने आजूबाजूला असलेल्‍या नागरीकांनी घराकडे धाव घेतली. तसेच या घटनेनंतर पोलीस व नगरपालिका प्रशासन घटनास्थळी दाखल झाले आहे. यानंतर खड्ड्यात पडलेल्‍या तीनही महिलांना नागरीकांच्‍या मदतीने बाहेर काढत रुग्णालयात दाखल केले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
