पंढरपूर : महाराष्ट्र केसरी स्पर्धेतून चर्चेत आलेल्या पैलवान सिकंदर शेखने नवा दावा केला आहे. महाराष्ट्रातील जनतेच्या मनातील महाराष्ट्र केसरी मीच आहे, असं सिकंदर शेख याने म्हटलं आहे. महाराष्ट्र केसरी स्पर्धेत मी हरलो असलो, तरी महाराष्ट्रातातील जनतेला सर्व काही माहिती आहे, असं म्हणत त्याने पंचांच्या निर्णयाबद्दल खंतही व्यक्त केली आहे. (Latest Marathi News)
भाजपचे राज्यसभा खासदार धनंजय महाडिक यांच्या वाढदिवसाच्या निमित्ताने पंढरपुरात (Pandharpur) कुस्ती स्पर्धेचं आयोजन करण्यात आलं आहे. भीमा साखर कारखान्यावर भीमा केसरी कुस्ती स्पर्धा खेळवण्यात येत आहे. या स्पर्धेत सिकंदर शेख सहभागी होण्यासाठी आला होता. यावेळी माध्यमांशी बोलताना त्याने ही खंत व्यक्त केली आहे.
काय म्हणाला सिकंदर शेख?
महाराष्ट्र केसरी स्पर्धेनंतर मी पहिल्यांदाच मोठ्या मैदानात खेळतो आहे. जनता एवढं माझ्यावर प्रेम करतेय, हे पहिल्यांदाच बघतो आहे, उगाच म्हणत नाहीत की सगळ्यांच्या मनातला महाराष्ट्र केसरी (Maharashtra Kesari) मीच आहे, जरी मी स्पर्धेत हरलो असलो तरी सगळ्यांच्या मनात मीच महाराष्ट्र केसरी आहे, हे सगळं प्रेम बघून खूप आनंद झाला, अशा भावना सिकंदरने व्यक्त केल्या.
महाराष्ट्र कुस्ती स्पर्धेत मी हरलो असलो तरी महाराष्ट्रातातील जनतेला माहिती आहे असं म्हणत त्याने पंचांच्या निर्णया बद्दल खंत व्यक्त केली. यावेळी त्याने महाराष्ट्रातील जनतेच्या मनातील मीच महाराष्ट्र केसरी असल्याचा दावा केला आहे. कुस्ती स्पर्धेसाठी सोलापूर कोल्हापूर सांगली या भागातून पैलवान व कुस्ती प्रेमी मोठ्या संख्येने उपस्थित होते.
पैलवान सिकंदर शेख मूळ सोलापूर जिल्ह्यातील मोहोळ गावचा रहिवाशी आहे. महाराष्ट्र केसरीच्या विजेतेपदासाठी तो प्रबळ दावेदार मानला जात होता. मात्र, माती विभागातील पैलवान महेंद्र गायकवाड याने उपांत्य फेरीतच सिकंदर शेखचा पराभव केला. पंचांनी फक्त फ्रंट कॅमेरा पाहिला, बॅक कॅमेरा पाहिला नाही आणि चुकीचा निर्णय दिला, असा आरोप सिकंदरने केला केला होता.
Edited By - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.