राजेश काटकर
Parbhani Crime News : परभणीत भयंकर घटना घडली आहे. घटस्फोटाच्या सुनावणीसाठी कोर्टाच्या परिसरात आलेल्या पतीने पत्नीच्या गळ्यावर कटरने वार केले. यात ती गंभीर जखमी झाले. आज, दुपारच्या सुमारास ही घटना घडली.
मिळालेल्या माहितीनुसार, जेएमएफसी कोर्टाच्या परिसरात स्वच्छतागृहाजवळ दुपारच्या सुमारास ही घटना घडली. घटस्फोटाच्या सुनावणीसाठी कोर्टात आलेल्या पत्नीवर पतीने प्राणघातक हल्ला केला. या हल्ल्यात ती गंभीर जखमी झाली आहे. तिला तातडीने परभणी (Parbhani) येथील खासगी रुग्णालयात उपचारासाठी दाखल करण्यात आले आहे.
या प्रकरणात आरोपी पतीला नवा मोंढा पोलिसांनी ताब्यात घेतले आहे. जिंतूर येथील प्रकरण परभणी येथील जेएमएफसी कोर्टात सुरू आहे. आज पती ज्ञानेश्वर खनपटे आणि पत्नी वैष्णवी हे घटस्फोटाच्या सुनावणीसाठी परभणीतील न्यायालयात आले होते. तडजोड न झाल्याने रागावलेल्या पतीने पत्नीच्या गळ्यावर कटरने वार केले.
कोर्टाच्या परिसरातील स्वच्छतागृहाजवळ घटना घडली. या हल्ल्यात जखमी झालेल्या वैष्णवीला उपचारासाठी परभणी येथील खासगी रुग्णालयात दाखल करण्यात आले. तर पती ज्ञानेश्वर खनपटे याला पोलिसांनी (Police) ताब्यात घेत नवा मोंढा पोलीस ठाण्यात गुन्हा दाखल केला असून, पुढील तपास पोलीस करत आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
