Parbhani : गॅसची टाकी परत मागण्यासाठी गेलेल्या व्यक्तीची हत्या; परभणीतील खळबळजनक घटना

घरगुती गॅसची टाकी मागण्यासाठी गेलेल्या एका व्यक्तीचा वादानंतर कुऱ्हाडीने घाव घालून हत्या (Murder) केल्याची खळबळजनक घटना घडली आहे.
Parbhani : गॅसची टाकी परत मागण्यासाठी गेलेल्या व्यक्तीची हत्या; परभणीतील खळबळजनक घटना
Parbhani Crime News Saam Tv

परभणी : घरगुती गॅसची टाकी मागण्यासाठी गेलेल्या एका व्यक्तीचा वादानंतर कुऱ्हाडीने घाव घालून हत्या (Murder) केल्याची खळबळजनक घटना घडली आहे. परभणी (Parbhani) शहरातील क्रांती नगर परिसरात शुक्रवारी रात्री साडेआठच्या सुमारास घटना घडली आहे. या घटनेने परिसरात खळबळ उडाली आहे. शेख जावेद (४५) असे मृत व्यक्तीचे नाव आहे. या प्रकरणी पोलिसात तक्रार दाखल करण्यात आली आहे. (Parbhani Crime News In Marathi )

Parbhani Crime News
Pragya Singh Thakur : साध्वी प्रज्ञासिंह ठाकूर यांना धमकीचा फोन

मिळालेल्या माहितीनुसार, शेख जावेद यांनी ते राहत असलेल्या भागात राहणाऱ्या जावेद पठाण याला घरगुती गॅसची टाकी दिली होती.पठाणला दिलेली गॅसची टाकी परत आणण्यासाठी शेख जावेद त्याचा घरी गेले. त्यावेळी जावेद पठाण याने गॅसची टाकी आता नाही तुला नंतर देतो, एकदा सांगितले तर समजत नाही का, असे म्हणत वाद घातला व शिवीगाळ केली. वादाचे रुपांतर कडाक्याच्या हाणामारीत झाले. त्यावेळी जावेद पठाण याने शेख जावेद यांच्या गळा, डोक्यावर गंभीर वार केले. त्यामध्ये शेख जावेद यांचा जागीच मृत्यू झाला. या घटनेने परिसरात खळबळ उडाली आहे. पोलिसांनी या प्रकरणी पुढील तपास सुरू केला आहे.

Parbhani Crime News
अंबरनाथमध्ये पोलीस असल्याची बतावणी करून १० लाखांचं सोनं लुटलं

पोलिसांनी दिलेल्या माहितीनुसार, घटनेची माहिती मिळताच कोतवाली पोलीस घटनास्थळी दाखल झाले. मृतदेह ताब्यात घेऊन पंचनामा केला. त्यानंतर मृतदेह पुढील तपासणीसाठी परभणीच्या शासकीय रुग्णालय पाठवण्यात आला आहे. या हत्येप्रकरणी कोतवाली पोलीस ठाण्यात आरोपी विरोधात ३०२ अंतर्गत गुन्हा दाखल करण्यात आला आहे. मात्र, आरोपी जावेद पठाण अद्याप फरार आहे. जिल्हा पोलीस अधीक्षकांनी आरोपीला शोधण्यासाठी २ स्पेशल पथक तयार केले असून आरोपीचा शोध घेण्यासाठी पथक रवाना झाले आहेत. दरम्यान, भर वस्तीत घडलेल्या या घटनेमुळे परिसरात भीतीचे वातावरण निर्माण झाले आहे. आरोपी जावेद पठाण याला त्वरित अटक करण्याची मागणी परिसरातील नागरिक करत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com