Parbhani News: अचानक लाईट आली अन् अनर्थ झाला; कुलर बसवताना दोन तरुणांना मृत्युने कवटाळलं

Parbhani News: परभणी जिल्ह्यातून एक दुर्देवी घटना समोर आली आहे. घरात कुलरचे काम करत असताना विजेचा धक्का लागून दोन तरुणांचा मृत्यू झाला. ही दुर्देवी घटना शहरातील सोमवारी दुपारी २ वाजेच्या सुमारास रामकृष्ण नगर भागात घडली. या घटनेने सर्वत्र हळहळ व्यक्त होत आहे. (Latest Marathi News)

संभाजी अशोक थोरे (२३, रा.रामकृष्ण नगर) आणि रोहित शिवाजी उमरीकर (२२, रा.रामकृष्ण नगर) अशी मृत्युमुखी पडलेल्या (Parbhani News) तरुणांची नावे आहेत. मिळालेल्या माहितीनुसार, दोन्ही तरुण रामकृष्ण नगर भागातील एका घरामध्ये कुलर बसविण्याचे काम करीत होते.

त्यावेळी विजेचा दाब कमी अधिक होत होता. अचानक संभाजी थोरे या तरुणाला विजेचा जोरदार धक्का लागला. त्याला वाचवण्यासाठी रोहित उमरीकर हा धावला. मात्र रोहितलाही विजेचा जोरदार धक्का बसला. दरम्यान, दोन्ही तरुणांना वसमत रोडवरील एका खासगी रुग्णालयात नेण्यात आले. (Breaking Marathi News)

मात्र, डॉक्टरांनी दोघांनाही तपासून मृत घोषित केले. यानंतर सदरील दोघांचे मृतदेह उत्तरिय तपासणीसाठी परभणी जिल्हा सामान्य रुग्णालयात नेण्यात आले आहेत. एकाच वेळी दोन तरुणांचा विजेचा धक्का लागून मृत्यू झाल्याने परिसरातून हळहळ व्यक्त होत आहे.

Edited by - Satish Daud