हृदयद्रावक ! प्रेमप्रकरणामुळं जन्मदात्या माता-पित्यानेच केला अल्पवयीन मुलीचा खून

हृदयद्रावक ! प्रेमप्रकरणामुळं जन्मदात्या माता-पित्यानेच केला अल्पवयीन मुलीचा खून
murderSaamTvnews

कराड : सातारा जिल्ह्यातील कराडमध्ये (Karad crime update) काळजाचा ठोका चुकवणारी घटना घडली आहे. जन्मदात्या माता-पित्यानेच प्रेमप्रकरणामुळं अल्पवयीन मुलीचा खून (Minor girl murder) केल्याची धक्कादायक घटना घडलीय. कराडच्या येणके येथे हा खळबळजनक प्रकार घडला असल्याचं पोलिसांच्या तपासात समोर आलं आहे. मृत पावलेल्या मुलीचा मृतदेह पवारवाडी येथील डोंगरावर १४ दिवसांपूर्वी जमिनीत पुरला होता. त्यानंतर पोलिसांनी घटनास्थळी धाव घेवून मृतदेह बाहेर काढून शवविच्छेदनासाठी पाठवला. याप्रकरणी गुन्हा दाखल करण्यात आला असून पोलिसांनी आरोपींना (culprit arrested) ताब्यात घेतलं आहे.

murder
राज ठाकरेंच्या सभेतील गर्दीचं रुपांतर मतांमध्ये होणार नाही : बाळासाहेब थोरात

याबाबत सविस्तर वृत्त असं की, अल्पवयीन मुलीचा आई-वडिलांनीच खून केल्याची धक्कादायक घटना कराड तालुक्यातील येणे येथे उघडकीस आली आहे. कराड तालुक्यातील येणके गावातील अल्पवयीन मुलगी बेपत्ता झाल्याची फिर्याद तिच्या वडिलांनी 17 एप्रिल रोजी कराड पोलीस ठाण्यात दाखल केली होती. या प्रकरणाचा तपास पोलीस निरीक्षक दिपज्योती पाटील यांच्याकडे होता. शनिवारी रात्री फिर्यादी वडिलांकडे पोलिसांनी कसून चौकशी केली. त्यानंतर संबंधीत गुन्ह्या आपणच केल्याची कबुली मुलीच्या वडिलांनी दिली. 'माझ्या अल्पवयीन मुलीचे प्रेमप्रकरण होते. त्यामुळे मी आणि माझ्या पत्नीने आमच्या मुलीचा खून केला.' अशी माहिती आरोपीने पोलीस तपासात दिली.

Edited By- Naresh Shende

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.