मनसे अध्यक्ष राज ठाकरेंविरुद्ध परळी न्यायालयाकडून अजामीनपात्र वॉरंट

बीड: मनसे अध्यक्ष राज ठाकरे हे जामीन करुनही सतत तारखेला गैरहजर राहिल्यामुळे, त्यांच्याविरुद्ध अजामीनपात्र (Non bailabl) वॉरंट काढण्याचा आदेश परळी (Parli) न्यायालयाने (court) दिला आहे. 22 ऑक्टोबर 2008 ला राज ठाकरेंना मुंबई (Mumbai) येथे अटक (Arrested) झाली होती. याचे पडसाद परळीत देखील उमटले होते. यादरम्यान मनसे (MNS) कार्यकर्त्यांनी सार्वजनिक वाहतूक असणाऱ्या, एसटी महामंडळाच्या बसेवर धर्मापुरी पॉइंट येथे दगडफेक केली होती.

हे देखील पहा-

दगडफेकीत बसचे समोरील काच फुटून सार्वजनिक मालमत्तेचे नुकसान झाले होते. यावेळी जमावबंदी (Curfew) आदेशाचे उल्लंघन, सार्वजनिक मालमत्तेचे नुकसान, चिथावणीखोर भाष्य केल्याप्रकरणी परळी ग्रामीण पोलीस ठाण्यामध्ये राज ठाकरे आणि त्यांच्या कार्यकर्त्यांविरुद्ध गुन्हा दाखल गु.रं.नं 208/2008 अन्वये गुन्हा कलम 143, 427, 336, 109 नुसार गुन्हा दाखल करण्यात आला होता. याप्रकरणी पोलीसांनी तपास करुन राज ठाकरे आणि त्यांच्या कार्यकर्त्यांविरुद्ध परळी न्यायालयात दोषारोपपत्र दाखल केले होते.

याप्रकरणी राज ठाकरे आणि त्यांच्या कार्यकर्त्यांना जामीन मंजूर झाला आहे. मात्र, या प्रकरणाच्या तारखेला न्यायालयात सतत ते सातत्याने गैरहजर राहिले आहेत. यामुळे त्यांच्याविरुद्ध अजामीनपात्र वॉरंट जारी करण्याचा आदेश, परळी येथील प्रथमवर्ग न्यायदंडाधिकारी सौ.एम.एम.मोरे- पावडे यांनी दिला आहे.

Edited By- Digambar Jadhav