Amravati : रेल्वे प्रशासनाने अंबा एक्सप्रेसबाबत घेतला 'हा' निर्णय; प्रवासी संघटना संतप्त

- अमर घटारे

Aamravati : अमरावती मुंबई सुपरफास्ट अंबा एक्सप्रेसच्या (amravati mumbai superfast amba express) स्लीपर कोच डब्यांना कात्री लागणार आहे. वातानुकूलित डब्यांची संख्या वाढविण्याचा निर्णय रेल्वे प्रशासनाने घेतला असून या निर्णयाला अमरावती शहर रेल्वे प्रवासी (rail passengers) संघाने विरोध केला आहे.

एक्सप्रेसच्या स्लीपर कोचला कात्री लावून अंबाएक्सप्रेसचे ९पैकी ७ स्लीपर कोच कमी करण्याचे षड्यंत्र असल्याने याला प्रवाश्यांनी विरोध केला आहे. या निर्णयामुळे प्रवाशांमध्ये प्रचंड असंताेष निर्माण झाला आहे.

अमरावतीकरांसाठी अत्यंत महत्त्वाची व किफायतशीर असलेली अंबा एक्सप्रेस आवाक्यापलीकडे जाण्याची शक्यता वर्तवली जात आहे. अमरावती वरून मुंबईकडे जाणाऱ्या लाखों सामन्य वर्गातील प्रवाशांच्या खिशाला कात्री लागणार आहे.

त्यामुळे जैसे थे डबे ठेवावे अन्यथा रेलरोको आंदोलन करू असा इशारा प्रवासी महासंघाने दिला आहे. (Maharashtra News)

Edited By : Siddharth Latkar