New Delhi News : पंतप्रधान नरेंद्र मोदी आज 13 एप्रिल 2013 रोजी सकाळी 10.30 वाजता व्हिडीओ कॉन्फरन्सिंगद्वारे नव्याने भरती झालेल्यांना सुमारे 71 हजार नियुक्तीपत्रे वितरित करणार आहेत. देशभरातील 19 राज्ये आणि केंद्रशासित प्रदेशांमधील 45 विविध ठिकाणी उपस्थित असलेल्या उमेदवारांना व्हिडीओ कॉन्फरन्सिंगच्या माध्यमातून पंतप्रधान संबोधित करतील.
नांदेड येथे केंद्रीय पंचायत राज राज्यमंत्री कपिल मोरेश्वर पाटील 13 एप्रिल 2023 रोजी नांदेड जिल्हाधिकारी कार्यालय संकुलातील नियोजन भवनातील मुख्य सभागृहात रोजगार मेळा योजनेअंतर्गत केंद्र सरकारच्या नवनियुक्त उमेदवारांना नियुक्ती पत्रे सुपूर्द करतील. यावेळी नांदेड विभागाचे विभागीय रेल्वे व्यवस्थापक आणि इतर मान्यवर उपस्थित राहणार आहेत.
रोजगार मेळावा हे रोजगार निर्मितीला सर्वोच्च प्राधान्य देण्याच्या पंतप्रधानांच्या वचनबद्धतेच्या पूर्ततेच्या दिशेने एक पाऊल आहे. रोजगार मेळावा रोजगार निर्मितीला चालना देण्यात उत्प्रेरक म्हणून काम करेल आणि तरुणांना त्यांच्या सक्षमीकरणासाठी आणि राष्ट्रीय विकासात सहभागी होण्यासाठी अर्थपूर्ण संधी प्रदान करेल अशी अपेक्षा आहे. (Latest Political News)
देशभरातून निवडलेले नवनियुक्त उमेदवार केंद्र सरकारच्या अंतर्गत ट्रेन मॅनेजर, स्टेशन मास्टर, सीनियर कमर्शियल कम तिकीट क्लर्क, इन्स्पेक्टर, सब इन्स्पेक्टर, कॉन्स्टेबल, स्टेनोग्राफर, कनिष्ठ लेखापाल, पोस्टल असिस्टंट, इन्कम टॅक्स इन्स्पेक्टर , कर सहाय्यक, वरिष्ठ ड्राफ्ट्समन, जेई/ सुपरवायझर , सहाय्यक प्राध्यापक, शिक्षक, ग्रंथपाल, परिचारिका, प्रोबेशनरी ऑफिसर , पीए, एमटीएस सारख्या विविध पदांवर रुजू होतील.
नवनियुक्त उमेदवारांना कर्मयोगी प्रारंभद्वारे प्रशिक्षण घेण्याची संधी देखील मिळेल. कर्मयोगी प्रारंभ हा विविध सरकारी विभागांमधील सर्व नवीन नियुक्त्यांसाठी एक ऑनलाइन अभिमुखता अभ्यासक्रम आहे.
उद्या दक्षिण मध्य रेल्वेवरील सिकंदराबाद, विजयवाडा, गुंटकल आणि नांदेड या चार ठिकाणी रोजगार मेळावा होणार आहे,अशी माहिती दक्षिण मध्य रेल्वेच्या जन संपर्क अधिकाऱ्याने कळवले आहे .
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
