लाखों रुपयांच्या गुटख्यावर पोलिसांची कारवाई; मुख्य आरोपी फरार

अकोला - अकोल्यातील अकोटच्या पोलिस उपअधीक्षक रितू खोकर यांच्या पथकाने गुप्त माहितीवरून हिवरखेड पोलीस (Police) स्टेशन अंतर्गत येणाऱ्या झरी येथे धडाकेबाज कारवाई करीत झरी येथून मोठ्या प्रमाणात प्रतिबंधित गुटखा साठा, सुगंधित तंबाखू, पान मसाला इत्यादी जप्त केला आहे. सदर साठा सातपुडा पर्वत क्षेत्रातुन मेळघाट मार्गे मध्यप्रदेशातून आणून झरी हिवरखेड इत्यादी परिसरात त्याची विक्री करण्याच्या बेताने आणला गेला असावा अशी शक्यता व्यक्त करण्यात येत आहे.

हे देखील पहा -

रितू खोकर यांच्या पथकाने वाहनास अडविले असता वाहन चालक व सहकारी वाहन सोडून पसार झाले अशी माहिती सूत्रांनी दिली आहे. त्यामुळे आरोपीचे नाव कळू शकले नाही. सदर वाहन आणि गुटखा साठा हिवरखेड पोलीस स्टेशनला जमा करण्यात आला असून जप्त मुद्देमालाची किंमत कळू शकली नाही.

परंतु सदर मुद्देमाल लक्षवधीच्या घरात असल्याचे बोलले जात आहे. उपरोक्त कार्यवाही पोलीस उपअधीक्षक रितू खोखर, शे.नासिर, विलास साबे, अंकुश कल्याणकर, इत्यादींनी केली. परंतु घटनास्थळावरून आरोपी फरार झाल्याचे सांगितले जात आहे. त्यामुळे आता त्या मुख्य आरोपींना अटक होते की नाही याकडे जनतेचे लक्ष लागले आहे.

Edited By - Shivani Tichkule