Solapur News : आईच्या (mother) वर्षश्राद्धात केलेल्या खर्चात एका मंगल भांडारचे पाचशे रुपये उधारी शिल्लक होती. ही उधारी देण्यासाठी मोठं भाऊ (brother) आणि छोट्या भावामध्ये वादविवाद झाला आणि मोठ्या भावाने छोट्या भावाचा काटा काढल्याची धक्कादायक घटना सोलापूर येथील पिंजारवाडीत घडली आहे. मोठ्या भावाने छोट्या भावास दगड, सळईने मारहाण केली. त्यात छाेट्या भावाचा मृत्यू झाला अशी माहिती तपासात निष्पन्न झाल्याचे अतुल भोसले (पोलीस निरीक्षक,वळसंग) यांनी सांगितले.
भावाने भावाचा खून केल्याची घटना माहित होताच नातेवाईकांनी शासकीय रुग्णालयात एकच गर्दी केली होती. सैफन घूडूसाब नदाफ असे मृत व्यक्तीचे नाव आहे. पोलिसांनी मीरालाल घुडूसाब नदाफ,सलीम मीरालाल नदाफ,रफिक मीरालाल नदाफ,नियामतबी मीरालाल नदाफ यांना अटक केली आहे. आईचे श्राद्ध करण्यासाठी केलेल्या खर्चावरून फक्त पाचशे रुपयांसाठी मोठ्या भावाने छोट्या भावाचा खून केल्यामुळे सोलापुरात हळहळ व्यक्त होत आहे.
एक वर्षांपूर्वी मीरालाल आणि सैफन यांच्या आईचे निधन झाले होते. या दोघां भावांनी एकत्रितरित्या आईचे श्राद्ध करून गोरगरिबांना अन्नदान केले होते. यावेळी गावातील एका मशिदीत असलेल्या मंगल भांडारमधून भांडे भाड्याने घेतले होती. या मंगल भांडारचे पाचशे रुपये उधारी शिल्लक राहिली होती. ही उधारी मागण्यासाठी मशिदीचे विश्वस्त जमादार सैफन नदाफ यांच्या घरी गेले होते. पण हि रक्कम मीरालाल नदाफ यांच्याकडून घ्या असे सैफन नदाफ यांनी सांगितले होते.
सैफन नदाफ यांनी मंगल भांडार वाल्या जमादार या व्यक्तीला सांगितले होते की,पाचशे रुपये मीरालाल नदाफ यांकडून घ्या. त्यांनी नाही दिले तर मी देतो. मीरालाल नदाफ यांनी मंगल भांडारचे पाचशे रुपये उधारी दिली पण यावरून दोघा भावांत वितुष्ट निर्माण झाले आणि वादविवाद झाला.
मीरालाल नदाफ यांनी पाचशे रुपये उधारी देऊन जमादार यांना पाठविले. पण छोटा भाऊ सैफन नदाफ याविरोधात कट रचला. पाचशे रुपयांवरून मीरालाल नदाफ हा छोटा भाऊ सैफन नदाफ यावर चिडून होता. सैफन नदाफ हा शेतातील मोटार चालू करण्यासाठी गेला होता. त्यावेळी सैफन हा एकटा असल्याची संधी साधून मीरालाल नदाफ यांनी पाचशे रुपयांसाठी कर्जदारांना माझ्या घरी पाठवतो का असा जाब विचारत मारहाण करण्यास सुरुवात केली. यावेळी मीरालाल यांचा मुलगा रफिक नदाफ याने पाठीमागून येऊन सैफन नदाफ यांचे हातपाय पकडले मीरालाल नदाफ यांनी दगडाने,सळईने छोटा भाऊ सैफन नदाफ यांच्या डोक्यावर जबर मारहाण केली.
मीरालाल नदाफ यांची पत्नी,नियामतबी नदाफ,दुसरा मुलगा सलीम नदाफ यांनी सैफन नदाफ यांच्या डोक्यावर आणि सर्वांगास जबर मारहाण केली. दरम्यान,शहनाज नदाफ यांनी उपचारासाठी पती सैफन यांस सोलापुरातील शासकीय रुग्णालयात दाखल केले. पण डोक्याला गंभीर इजा झाल्याने जखमी उपचारास प्रतिसाद देत नव्हता. अखेर सैफन यांची प्राणज्योत मालवली. मृत झाल्याची माहिती मिळताच पिंजारवाडीतील ग्रामस्थांनी सोलापूर सिव्हिल हॉस्पिटलमध्ये एकच गर्दी केली होती. फक्त पाचशे रुपयांसाठी भावाने भावाला संपविले अशी चर्चा करत ग्रामस्थ हळहळ व्यक्त करत होते.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
