दुसरी मुलगी झाल्याने जन्मदात्या आईनेच तीन दिवसाच्या बाळाचा गळा दाबून खून केल्याची धक्कादायक घटना लातूर जिल्ह्यातील गातेगाव पोलिस ठाण्याच्या हद्दीत घडली आहे. या प्रकरणी पाेलिसांनी महिलेस अटक केली आहे.
पाेलिसांनी दिलेल्या माहितीनूसार उस्मानाबाद (osmanabad) जिल्ह्यातील होळी येथील रेखा किसन चव्हाण हि महिला प्रसुतीसाठी काटगाव तांडा येथे माहेरी आली होती. जवळा येथील प्राथमिक आरोग्य केंद्रात (27 डिसेंबर) चव्हाण प्रसुतीसाठी दाखल झाली होती. तिला मुलगी झाली. रेखा हिला यापुर्वी देखील एक मुलगीच झाली हाेती. (Maharashtra News)
दरम्यान दुसऱ्यांदा मुलगी झाल्याने रेखा हिने रूमालाच्या सहाय्याने तीन दिवसाच्या बाळाचा खून केला. ही बाब पाेलिस (police) तपासात उघड झाली. पाेलिसांनी गातेगाव पोलिस ठाण्यात रेखा चव्हाण हिच्यावर खूनाचा गुन्हा दाखल केला.
रेखा चव्हाण हिला या प्रकरणी अटक केली असून आज न्यायालयासमोर हजर करण्यात येणार असल्याची माहिती नंदकिशोर कांबळे (पाेलीस उपनिरीक्षक, गातेगाव पाेलिस ठाणे) यांनी दिली. (Latur Latest Marathi News)
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.