Sangli News : अंधश्रध्देतून (superstition) सांगलीच्या (sangli) विटा - कऱ्हाड रस्त्यालगत (vita karad road) असलेल्या एका मोकळ्या जागेत बोकडाचा बळी देऊन त्याचे मुंडके, पाय व अन्य साहित्य ठेवणाऱ्या संशयित संजय जरग आणि मांत्रिक व त्याचे साथीदारांविरुद्ध महाराष्ट्र जादूटोणा प्रतिबंध अधिनियमानुसार गुन्हा दाखल करण्यात आला आहे. याबाबतची माहिती पोलीसांनी साम टीव्हीशी बाेलताना दिली. (Maharashtra News)
16 मे रोजी रात्री नऊच्या सुमारास (sangli) विटा क-हाड रस्त्यालगत राजेंद्र सोमू राठोड यांच्या मालकीच्या जमीन मोकळ्या जागेमध्ये एक बोकड कापून तेथे बोकडाचे मुंडके व दोन पाय ठेवले होते. त्याच्या शेजारी वर्तमानपत्रावर नारळ दामटा, तांदूळ, देशी दारूची बाटली, काजळाची डब्बी, लिप्स्टीकची डब्बी, गांजा, दवाखान्याची चिठ्ठी, लिंबू, हळद व कुंकू ठेवून तेथे पूजा केल्याचे भिंगारदेवे (फिर्यादी) यांच्या निदर्शनास आले होते.
चार वर्षांपूर्वी तेथे जरग याचा अपघात (accident) झाला होता. त्याला एका मांत्रिकाने अपघात झालेल्या ठिकाणी बोकडाचा बळी देऊन उतारा देण्याविषयी सांगितले होते. त्यानुसार त्याने हा प्रकार केला होता. दरम्यान जरग याने राठोड यास याबाबत तुम्ही पोलिसांत तक्रार केली तर हात, पाय मोडुन टाकेन, जिवंत सोडणार नाही अशी धमकी दिल्याचे फिर्यादीत म्हटले आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
