अवैध गर्भपात प्रकरण; गर्भलिंग निदान करणाऱ्या शिकाऊ डॉक्टरच्या आवळल्या मुसक्या

गर्भलिंग निदान करण्यासाठी एजंट मनीषा सानप कडून घेत होता 10 हजार रुपये.
अवैध गर्भपात प्रकरण; गर्भलिंग निदान करणाऱ्या शिकाऊ डॉक्टरच्या आवळल्या मुसक्या
Yavatmal Crime NewsSaam tv

मुंबई: अवैध गर्भपात आणि गर्भलिंग तपासणी प्रकरणांमध्ये, बीड (Beed) पोलिसांना यश आले आहे. औरंगाबाद मधून गर्भलिंग निदान करणाऱ्या शिकाऊ डॉक्टरच्या मुसक्या आवळण्यात बीड पोलिसांना यश आले आहे. सतीश बाळू सोनवणे असं अटक करण्यात आलेल्या शिकाऊ डॉक्टरचे नाव आहे.

बीडच्या बक्करवाडी येथील शीतल गाडे वय ३० या महिलेचा, अवैध गर्भपात करताना ५ जून रोजी मृत्यू झाला होता. या प्रकरणात बीडच्या पिंपळनेर पोलीस (Police) ठाण्यात मयत शितल गाडे यांच्या पतीसह सासरा, भाऊ आणि तर ३ जणांवर गुन्हा दाखल करण्यात आलेला आहे. यातील आरोपी सीमा डोंगरे हिचा पाली येथील तलावात मृतदेह आढळून आला.

Yavatmal Crime News
भाजपने पंकजा मुंडे यांना विधान परिषदेची उमेदवारी डावलली; एकनाथ खडसे म्हणाले...

तर पकडण्यात आलेल्या सतीश सोनवणे याने शीतल गाडे या महिलेचे गर्भलिंग निदान केल्याची कबुली दिली आहे. हा आरोपी औरंगाबाद येथून नगर या ठिकाणी आल्याची माहिती मिळाल्यानंतर स्थानिक गुन्हा शाखेच्या पथकाने अटक केली. तर गर्भलिंग निदान करण्यासाठी सोनवणे हा १० हजार रुपये घेत असल्याची माहिती पोलीस (Police) अधीक्षक नंदकुमार ठाकूर यांनी दिली.

Yavatmal Crime News
'देवेंद्र फडणवीसांच्या धाकामुळे महाविकास आघाडीची धाकधूक वाढली', अनिल बोंडेंचा निशाणा

दरम्यान, आरोपी सतीश सोनवणे हा यापूर्वी जालना जिल्ह्यातील एका डॉ.गवारे नावाच्या व्यक्तीचा असिस्टंट म्हणून काम करत होता. तसेच मनीषा सानप ही सोनवणे ला फोनद्वारे माहिती देऊन बोलावून घ्यायची आणि सानपच्या घरी गर्भलिंग निदान केले जायचे. त्यामुळे आता या सर्वांनी आतापर्यंत किती जणांचे गर्भलिंगनिदान केले असून, किती जणांचा गर्भपात केला आहे ? यासाठी एजंट मनीशा सानप हिचा बीड (Beed) पोलिसांकडून पीसीआर मागण्यात आला आहे. त्यामुळे या प्रकरणात आता नेमकं कोण कोण आहेत ? हे चौकशी अंती निष्पन्न होणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com