गडचिरोलीत पोलीस- नक्षलवाद्यांत चकमक, पाचपेक्षा जास्त नक्षलवादी ठार

गडचिरोली : जिल्ह्यात उत्तर- पूर्व भागात छत्तीसगड सीमेजवळच्या परिसरात शनिवारी सकाळपासूनच पोलीस आणि नक्षलवाद्यांमध्ये मोठ्या प्रमाणात चकमक सुरू आहे. यामध्ये ५ पेक्षा जास्त नक्षलवादी ठार झाले असण्याची शक्यता पोलिसांनी वर्तविली आहे. दुपारपर्यंत ही चकमक मोठ्या प्रमाणात सुरूच होती. काही मृत नक्षलींचे मृतदेह पोलिसांच्या हाती लागले आहेत.

हे देखील पहा-

या चकमकीत पोलिसांनी नक्षलवाद्यांचे ठिकाण उद्ध्वस्त करण्यात आले आहे. पोलिसांचे ऑपरेशन अजून संपले नसल्यामुळे त्याविषयी अधिक माहिती सांगता येणार नसल्याचे पोलीस अधीक्षक अंकित गोयल यांनी बोलताना सांगितले आहे. कोरची तालुक्यामधील ग्यारापत्ती, कोटगुल परिसरात जंगलात नक्षल्यांचे शिबिर लागले असल्याची माहिती पोलिसांना मिळाली होती.

त्यानुसार पोलिसांच्या सी-६० पथकाच्या जवानांनी नक्षलविरोधी अभियान तीव्र करत त्या भागाकडे मोर्चा वळविला आहे. पोलिसांच्या पथकाची चाहुल लागताच नक्षलवाद्यांनी पोलिसांच्या दिशेने गोळीबार करण्यात आला आहे. त्याला प्रत्युत्तर देत पोलिसांनी देखील आक्रमक पवित्रा घेतला आहे. या चकमकीत पोलिसांच्या गोळीने काही नक्षलवाद्यांचा वेध घेतला आहे.

Edited By- digambar jadhav