Buldhana News : राहुल गांधींच्या भारत जोडो यात्रेला सुरक्षा देण्यासाठी बुलढाण्यात पोलिसांची रंगीत तालीम

१८ तारखेला ही यात्रा बुलढाण्यात पोहचणार असल्याने आजपासूनच तेथे पोलिसांच्या तयारीला सुरूवात
Buldhana News
Buldhana NewsSaam TV

Buldhana News : राहूल गांधी (Rahul Gandhi) यांच्या भारत जोडो यात्रेला महाराष्ट्रातून चांगला प्रतिसाद मिळत आहे. ७ सप्टेंबर रोजी कन्याकुमारी येथून या यात्रेला सुरूवात झाली. त्यानंतर देगलूरमार्गे यात्रा महाराष्ट्रातील नांदेड जिल्ह्यात दाखल झाली. आज महाराष्ट्रात यात्रेचा ९ वा दिवस आहे. तसेच यात्रेने विदर्भात प्रवेश केला आहे. अशात १८ तारखेला ही यात्रा बुलढाण्यात पोहचणार असल्याने आजपासूनच तेथे पोलिसांच्या तयारीला सुरूवात झाली आहे.

भारत जोडो पदयात्रा बुलढाण्यात येणार म्हणून सध्या पोलिसांची रंगीत तालीम सुरू आहे. १८ तारखेला भारत जोडो पदयात्रा बुलढाण्यात दाखल झाल्यावर पुढचे तीन दिवस यात्रा जिल्ह्यात असणार आहे. यात्रेतील सुरक्षेच्या दृष्टीने मोठ्या प्रमाणावर पोलिस प्रशासन तैनात करण्यात आले आहे. तसेच यात्रेत जे पोलिस कर्मचारी चालत सुरक्षा देणार आहेत त्यांना पदयात्रेचा सराव व्हावा म्हणून आज रंगीत तालीम घेतली गेली. यामध्ये महिला पोलीस असंख्य कर्मचाऱ्यांसह अनेक अधिकारीही सामील झाले होते.

Buldhana News
Rahul Gandhi : देशात फक्त चारच लोक खूश; राहुल गांधींचा रोख नेमका कोणाकडे?

पदयात्रा आज मंगळवारी सकाळी मराठवाड्यातून विदर्भातील वाशिम (vashim) जिल्ह्यात पोहचली. यात अनेक अंध मुलं देखील सहभागी झाले होते. वाढती महागाई तसेच महिलांवरील अत्याचार अशा घटनांवर आवाज उठवण्यासाठी या यात्रेत सहभागी झाल्याचे अंध मुलांनी सांगितले. तसेच आज बिरसा मुंडा यांची जयंती अससल्याने अनेक आदिवासी बांधव यात्रेत सहभागी झाले होते.

Buldhana News
Buldhana Crime: बस स्थानकातून बसच गेली चोरीला! देऊळगाव राजा येथील धक्कादायक घटना

लवकरच ही पदयात्रा बुलढाण्यात दाखल होणार असल्याने तिथे जोरदार तयारी सुरू आहे. तसेच २० फूट उंच विठ्ठलाची मुर्ती उभारण्यात आली आहे. पदयात्रा जिल्ह्यात दाखल झाल्यावर असंख्य वारकरी राहूल गांधींचे अनोखे स्वागत करणार आहेत. २० फूटांच्या मुर्तीला मोठे रिंगण घालत जंगी स्वागत होणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com