हर्बलच्या नावाखाली तंबाखूजन्य फ्लेवर युक्त हुक्का, पिंपरी-चिंचवडमध्ये हुक्का पार्टीवर पोलिसांची धाड

पिंपरी-चिंचवड : नवीन वर्षाच्या स्वागता दरम्यानच पिंपरी-चिंचवडमध्ये आयोजित हुक्का पार्टीवर पोलिसांनी धाड टाकली आहे. पिंपरी-चिंचवड शहराचे पोलीस आयुक्त कृष्णप्रकाश यांनी मध्यरात्री आयोजित करण्यात आलेल्या या हुक्का पार्टीवर धाड टाकत कारवाई केलीये. 

हिंजवडी परिसरात सुरु असलेल्या एचटूओ स्पोर्ट रुफ टॉप बारच्या न्यू इयर पार्टीवर कृष्णप्रकाश यांनी धाड टाकली आहे. या बारमध्ये हर्बल हुक्याच्या नावाखाली ग्राहकांना तंबाखूजन्य फ्लेवर युक्त हुक्का दिला जातो, अशी खात्रीशीर गोपनीय माहिती सामाजिक सुरक्षा पथकाला मिळाली होती.

हेही वाचा -

त्या माहितीच्या आधारावर पोलीस आयुक्त कृष्णप्रकाश यांनी पिंपरी-चिंचवड पोलिसांसह एचटूओ या रुफ टॉप बारवर धाड टाकून मोठ्या प्रमाणात फ्लेवर्ड टोबॅको आणि हुक्का पॉट साहित्य जप्त केले आहेत. त्याच बरोबर एचटूओ या बारमध्ये हुक्का पार्लर चालवणाऱ्या चालक-मालकावरही सामाजिक सुरक्षा पथकाने गुन्हा दाखल केला आहे. 

Edited By - Nupur Uppal