Nagpur crime News : नागपुरातील कारागृहातून धक्कादायक प्रकार समोर आला आहे. नागपूर पोलिसांनी तुरुंगात पैसे घेऊन वस्तू पुरविण्याच्या रॅकेटचा पर्दाफाश केला आहे. या प्रकारामुळे राज्यात एकच खळबळ उडाली आहे. नागपूर कारागृह हे तुरुंग आहे की हॉटेल ? असा प्रश्न उपस्थित करण्यात येत आहे. (Latest Marathi News)
नागपूर (Nagpur) मध्यवर्ती कारागृहात पैसे घेऊन गांजा पुरवत असल्याचा धक्कादायक प्रकार समोर आला आहे. नागपूर मध्यवर्ती कारागृहात पैसे घेऊन गांजा पुरविण्याच्या या रॅकेटचा पोलिसांनी भांडाफोड केला आहे. या रॅकेटमध्ये कारागृहातील दोन कर्मचारी समाविष्ट होते त्यांच्यासह कैद्यांविरुद्ध गुन्ह्याची नोंद करत त्यांना अटक करण्यात आली आहे.
अजिंक्य राठोड व प्रशांत राठोड अशी कर्मचाऱ्यांची नावे असून निलेश वासनिक , वैभव दांडेकर, श्रीकांत थोरात, गोपाळ पराते व राहुल मेंढेकर हे कैदी या रॅकेटमध्ये सहभागी होते. मागील दोन वर्षापासून हे कैदी तुरुंगात आहेत. या कैद्यांनी पोलीस कर्मचाऱ्यांना हाताशी धरून कैद्यांसाठी बाहेरून गांजा खाद्यपदार्थ कपडे पैसे आणायला सांगायचे.
कारागृहातील हे कर्मचारी काही दिवसा अगोदर सुटका झालेल्या गुन्हेगार श्रीकांत गोपाल व राहुल यांना संबंधित सामान आणायला सांगायचे. या सगळ्या सामानांचे किती पैसे द्यायचे, त्याच एक रेट कार्ड देखील तयार करण्यात आले होते अशी धक्कादायक माहिती समोर आली आहे. या रेट कार्डमध्ये पाच हजारापासून 25 हजारापर्यंत पैसे चार्ज केले जायचे. या धक्कादायक प्रकारामुळे राज्यात एकच खळबळ उडाली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
