बीड : पोलीस दलातील पतीच्या सतत मारहाणीच्या जाचास कंटाळून, 7 महिन्याच्या गर्भवतीने गळफास घेऊन आत्महत्या (Suicide) केल्याचा धक्कादायक प्रकार, बीडच्या (Beed) केज (Kej Taluka) तालुक्यातील दरडवाडी येथे समोर आलाय. लक्ष्मीच्या सणा दिवशी माहेरमध्ये आत्महत्या केल्याने हळहळ व्यक्त केली जात आहे. ज्योती गोविंद जाधवर अस मयत महिलेचं नाव आहे. ती 7 महिन्यांची गर्भवती होती.
हे देखील पहा :
बीडच्या केज तालुक्यातील दरडवाडी येथील ज्योतीचा, पाच वर्षांपूर्वी सोलापूरच्या उक्कडगाव येथील गोविंद जाधवर या पोलीस दलात नोकरी करणाऱ्या तरुणा सोबत विवाह झाला होता. लग्नावेळी 15 लाख रुपये हुंडा दिला. मात्र ट्रॅक्टर घेण्यासाठी आणखी पैसे घेऊन ये, या मागणीसाठी पती गोविंद वारंवार ज्योतीला मारहाण करत होता. दोन दिवसापूर्वी ज्योतीला पतीने मारहाण करून रात्री तीनच्या सुमारास, माहेरी दरडवाडी येथे सोडून गोविंद जाधवर हा गावी वापस गेला होता.
काल मुलीने घरातील वडील भाऊ आई व इतर सदस्य शेतात गेल्यानंतर, घरामध्ये गळफास घेऊन आत्महत्या केली. तिच्या पोटामध्ये सात महिन्याचे बाळ देखील होते. 3 वर्षामध्ये पती सासू, सासऱ्या सह दीराचा सतत जाच होता. असा आरोप मयत पीडितेच्या भावाने केला आहे. ज्योतीचा पती हा उस्मानाबाद पोलिस दलामध्ये कार्यरत असून कायद्यामध्ये काम करणाऱ्या रक्षकाने पत्नीला जाच केला. त्यामुळे आत्महत्या झाली असा आरोप परिवारातील सदस्य करत आहेत. या घटनेमुळे संताप व्यक्त केला जात आहे. या प्रकरणी केज पोलीस ठाण्यामध्ये गुन्हा दाखल करण्याची प्रक्रिया सुरू आहे.
Edited By : Krushnarav Sathe
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
