पंतप्रधान नरेंद्र मोदींचा उद्या महाराष्ट्र दौरा, पुणे पोलिसांनी दिले 'हे' आदेश

पंतप्रधान नरेंद्र मोदी उद्या १४ जून रोजी महाराष्ट्र दौऱ्यावर येणार आहेत.
पंतप्रधान नरेंद्र मोदींचा उद्या महाराष्ट्र दौरा, पुणे पोलिसांनी दिले 'हे' आदेश
Pm Narendra ModiSaam Tv

पुणे : पंतप्रधान नरेंद्र मोदी (Narendra Modi) उद्या १४ जून रोजी राज्याच्या दौऱ्यावर येणार आहेत. देहू येथील जगतगुरु संत तुकाराम महाराज मंदिराचे उद्घाटन त्यांच्याहस्ते होणार आहे. याच पार्श्वभूमीवर पोलिसांनी (Police) कडेकोट बंदोबस्त ठेवला असून पुणे जल्हाधिकारी कार्यालयाकडूनही कायदा व सुरक्षितता राखण्यासाठी आदेश जारी करण्यात आले आहेत. पिंपरी चिंचवड शहर तसेच पुणे जिल्ह्यात फौजदारी दंड प्रक्रिया संहिता १९७३ चे कलम १४४ प्रमाणे ड्रोन, पॅराग्लायडींग (Paragliding) , हॉट बलून सफारी, मायक्रोलाईट, विमाने अशा प्रकारची अवकाश उड्डाणे करण्यास मनाई आदेश लागू केले आहेत. जिल्हाधिकारी डॉ.राजेश देशमुख (Dr Rajesh Deshmukh) यांनी पंतप्रधानांच्या दौऱ्यानिमित्त हे मनाई आदेश लागू केले आहेत.

Pm Narendra Modi
Inflation: महागाईची लाट ओसरली; एप्रिलच्या तुलनेत किरकोळ महागाई दरात घट

मिळालेल्या माहितीनुसार, पंतप्रधान नरेंद्र मोदी देहू येथील संत तुकाराम महाराज मंदिराचे उद्घाटन झाल्यानंतर मंबईकडे रवाना होणार आहेत. सायंकाळी पावणेपाचला पंतप्रधान मोदी मुंबईमधील जलभूषण इमारत आणि राजभवन येथील क्रांतिकारक गॅलरीचे उद्घाटन करतील. त्यानंतर वांद्रे कुर्ला कॉम्पेक्स येथे मुंबई समाचारच्या द्विशताब्दी महोत्सवात सहभागी होतील. मुंबईतील जलभूषण इमारत १८८५ पासून महाराष्ट्राच्या राज्यपालांचे अधिकृ निवासस्थान आहे.या इमारतीचे आयुर्मान संपल्याने ती इमारत नव्याने बांधण्यात आलीय.

Edited By - Naresh Shende

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com