पंतप्रधान नरेंद्र मोदी कधीच पराभूत होणार नाहीत; मंत्री सुरेश खाडे यांचा दावा

पंढरपूर - अटलबिहारी वाजपेयी, लालकृष्ण अडवाणी यांचा पराभव झाला असला तरी पंतप्रधान नरेंद्र मोदी कधीच पराभूत होऊ शकत नाहीत, कारण ते देशातील लोकांचा आत्मा आहेत असं राजकीय भाकीत मंत्री सुरेश खाडे (Suresh Khade) यांनी केल आहे.

मंत्री खाडे आज विठ्ठल रुक्मिणीच्या दर्शनासाठी पंढरपुरात (Pandharpur) आले होते. दर्शनानंतर पत्रकारांशी‌ संवाद साधताना त्यांनी पंतप्रधान नरेंद्र मोदी हे कधीच पराभूत होणार नसल्याचे ही त्यांनी सांगितले. बारामती जिंकण्यासाठी भाजप प्रयत्न करत आहे. या देशात अटल बिहारी वाजपेयी लालकृष्ण अडवाणी यांचा पराभव झाला आहे. त्यामुळे बारामती जिंकणे अवघड नाही असे खाडे यांनी म्हंटले.

हे देखील पाहा -

यावरच मग पंतप्रधान नरेंद्र मोदी यांचाही पराभव होऊ शकेल का? असा प्रश्न विचारला असता मंत्री खाडे यांनी काही क्षण स्तब्ध राहत मोदी हे पराभूत होणार नाहीत. ते देशाचा आत्मा आहेत. जनतेचा आत्मा आहेत. त्यामुळे ते पराभूत होणार नाहीत असे ही त्यांनी यावेळी सांगितले. तसेच प्रत्येक जिल्ह्यात कामगार‌ भवन आणि हाॅस्पिटल उभारण्यात येणार असल्याचे आश्वासन ही मंत्री खाडे यांनी दिले. दरम्यान यावेळी सुरेश खाडे यांचा सत्कार देखील करण्यात आला.