रायगड : घोणसे घाटात खासगी बसचा भीषण अपघात; दोन प्रवासी जागीच ठार

रायगड: रायगड जिल्ह्यातील घोणसे घाटात खासगी बस कोसळून भीषण अपघात (Accident) झाला आहे. या अपघातात दोन प्रवाशांचा जागीच मृत्यू (Death) झाला. या बसमधील ५० पेक्षा जास्त प्रवासी जखमी आहेत. जखमींना रुग्णालयात उपचारासाठी दाखल करण्यात आले आहे.

रायगड जिल्ह्यातील म्हसळा तालुक्यातील धनगर मलई परिसरातील मुबंईला राहणारे नागरिक आपल्या गावाला एका कार्यक्रमासाठी जात होते. म्हसळा येथील घोणसे घाटात बस कोसळली. हा अपघात होताच परिसरातील लोकांनी मदतीसाठी धाव घेतली. म्हसळा पोलिसांनी (Police) घटनास्थळी मदतकार्य सुरु केले आहे.