- विकास काटे / सिद्धेश म्हात्रे
Maratha Kranti Morcha Latest Updates : जालना जिल्ह्यातील अंतरवाली सराटी (antarwali sarathi) येथे मराठा समाजाच्या आरक्षणासाठी (Maratha Aarakshan) उपोषणास बसलेल्या आंदाेलकांवर झालेल्या लाठीचार्जचा आज (शनिवार) नवी मुंबईसह ठाण्यात मराठा समाजाच्यावतीने निषेध नाेंदविण्यात आला. यावेळी माथाडी कामगार नेते नरेंद्र पाटील यांनी हल्ल्याची चाैकशी करण्याची मागणी केली. (Maharashtra News)
नवी मुंबईतील वाशी येथे छत्रपती शिवाजी महाराज चौकात मराठा समाज आणि माथाडी कामगारांच्या वतीने निषेध आंदोलन करण्यात आले. या हल्ल्यामागे मोठे षडयंत्र असून याची सखोल चौकशी करण्याची मागणी माथाडी नेते नरेंद्र पाटील यांनी केली. याप्रकरणी योग्य कारवाई न झाल्यास माथाडी कामगार काम बंद आंदोलन करेल असा इशारा देखील नरेंद्र पाटील यांनी सरकारला दिला. (Maharashtra News)
सकल मराठा समाजाच्या कार्यकर्त्यांनी ठाण्यातील तलाव पाळी परिसरातील छत्रपती शिवाजी महाराज पुतळा येथे वंदन करून सरकारचा विरोधात घोषणाबाजी केली. त्यानंतर जिल्हाधिकारी कार्यालय जवळ मोर्चा काढून घटनेचा निषेध करण्यात आला.
यावेळी मराठा समाजातील कार्यकर्ते आक्रमक झालेले दिसून आले. मुख्यमंत्री एकनाथ शिंदे हे मराठा असूनही आशा घटना घडत असतील तर त्या निंदनीय असून मुख्यमंत्री एकनाथ शिंदेंनी (CM Eknath Shinde) दिलेला शब्द पाळला नाही तर मराठा समाज मतदानावर बहिष्कार टाकेल असा इशारा देण्यात आला.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
