Teacher Graduate Constituency : सत्यजित तांबे यांना टीडीएफचा जाहीर पाठिंबा

नाशिक पदवीधर मतदारसंघच्या निवडणुकीत राज्यातील टिडीएफ एकमताने त्यांना जाहीर पाठिंबा देत आहे.
Satyajeet Tambe
Satyajeet TambeSaam Tv

Nashik News : पदवीधर, बेरोजगार ,शिक्षक, शिक्षकेतर कर्मचारी, डॉक्टर ,वकील यांसह विविध आस्थापनांमध्ये काम करणारे शासकीय व निमशासकीय कर्मचारी यांच्या विविध प्रश्नांसाठी सातत्याने शासन दरबारी पाठपुरावा करणारे आमदार डॉ सुधीर तांबे यांच्याच कार्यकर्तुत्वाचा वारसा जपणारे अपक्ष उमेदवार सत्यजित तांबे यांना नाशिक पदवीधर मतदारसंघातील निवडणुकीसाठी राष्ट्रीय शिक्षक लोकशाही आघाडी (टीडीएफ) ने अधिकृत जाहिर पाठिंबा दिला आहे.

Satyajeet Tambe
Air India ला मोठा दणका! ३० लाखांचा दंड, पायलटचा परवाना रद्द, काय आहे प्रकरण?

महाराष्ट्र शिक्षक लोकशाही आघाडी (टीडीएफ ) च्या राज्यकार्यकारणाची बैठक महाराष्ट्र (Maharashtra) हायस्कूल पुणे येथे झाली. या बैठकीत अपक्ष उमेदवार सत्यजित तांबे (Satyajeet Tambe) यांना टीडीएफ तर्फे उमेदवारीसाठी पुरस्कृत करण्यात आले.

यावेळी अध्यक्ष विजय बहाळकर म्हणाले की, टिडीएफ संघटनेच्या पाठिंबावर मागील तीन वेळा आमदार डॉ. तांबे यांनी प्रचंड मताधिक्याने विजय मिळवला आहे . सर्व पदवीधर व शिक्षक आणि कर्मचाऱ्यांचा विश्वास सार्थ ठरवताना त्यांनी मागील बारा वर्षात शिक्षकांचे व शिक्षण क्षेत्रातील अनेक प्रश्न प्राधान्याने सोडवले आहेत.

याचबरोबर सर्व शिक्षक, शिक्षकेतर कर्मचारी ,पदवीधर या सर्व मतदारांशी सातत्याने संपर्क ठेवला आहे. शिक्षक आणि पदवीधर यांचे प्रश्न सोडवण्यासाठी अहोरात्र मेहनत घेतली आहे. याचबरोबर अहमदनगर, धुळे, जळगाव, नंदुरबार, नाशिक जिल्ह्यातील सर्व टीडीएफच्या पदाधिकाऱ्यांना सोबत घेत मोठ्या प्रमाणात नोंदणी केली आहेत.

Satyajeet Tambe
Weather Update : सावधान! कडाक्याच्या थंडीत होणार मुसळधार पाऊस; हवामान खात्याने दिला अलर्ट

आमदार डॉ.सुधीर तांबे व त्यांचा परिवार हा पुरोगामी विचार जपणारा असून नाशिक पदवीधर मतदारसंघाच्या निवडणुकीत त्यांचे चिरंजीव सत्यजित तांबे हे अपक्ष निवडणूक लढवत आहेत. त्यांना टीडीएफ पूर्ण पाठिंबा असल्याचेही ते म्हणाले

तर हिरालाल पगडाल म्हणाले की, लोकशाही, समाजवाद, विज्ञान निष्ठा ,धर्मनिरपेक्षता जपण्यासाठी पीडीएफने सातत्याने काम केले असून सत्यजित तांबे याच विचारांनी राज्यभर काम करत आहेत. म्हणून आगामी नाशिक पदवीधर मतदारसंघच्या निवडणुकीत राज्यातील टिडीएफ एकमताने त्यांना जाहीर पाठिंबा देत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
logo
Saam TV | साम टीव्ही
www.saamtv.com