सचिन जाधव
पुणे : पान टपरी चालवून कुटुंबाचा उदरनिर्वाह करत होते. परंतु, टपरी चालविण्यासाठी दरमहा हप्ता मागुन तो देण्यास नकार दिल्याने (Pune News) गुंडाच्या टोळक्याने टपरी चालकाच्या कुटुंबाला बांबुने मारहाण केली. सदर घटना काळेपडळ येथील बालाजी पान शॉपसमोर रविवारी रात्री साडेनऊ वाजता घडली. (Latest Marathi News)
पोलिसांनी दिलेल्या माहितीनुसार फिर्यादी हे पान टपरी चालवितात. प्रशांत तिकोटे व त्यांच्या साथीदारांनी त्यांना पान टपरी चालविण्यासाठी दरमहा २ हजार रुपये हप्ता मागितला. हप्ता देण्यास त्यांनी नकार दिला. फिर्यादी त्यांचा मुलगा व पत्नी पान टपरीवर असताना गुंडांनी त्यांना बांबुने मारहाण करुन परिसरात दहशत माजविली. या मारहाणीत त्यांच्या पत्नीचा हात मोडून गंभीर दुखापत झाली आहे. याप्रकरणी वानवडी पोलीस (Police) तपास करत आहेत.
चार जण ताब्‍यात
याबाबत पुण्यात वानवडीमधील काळेपडळ येथील एका ५२ वर्षाच्या टपरी चालकाने वानवडी पोलीस स्टेशनमध्ये फिर्याद दिली आहे. त्यानुसार पोलिसांनी प्रशांत तिकोटे (रा. काळेपडळ, हडपसर) व त्याच्या तीन साथीदारांविरुद्ध गुन्हा दाखल केला आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
