अक्षय बडवे
पुणे : इंडियन प्रीमीअर लिग (आयपीएल) अंतिम टप्‍प्‍यात आली आहे. यामुळे आता प्रत्‍येक सामन्यांवर ऑनलाईन सट्टा (Online Betting) खेळला जात आहे. यात पुणे येथे सुरू असलेल्या सट्ट्यावर (Pune) पुणे शहर पोलिसांच्या गुन्हे शाखेतील सामाजिक सुरक्षा विभागाकडून छापा टाकत कारवाई करण्यात आली. यात सहा बुकींना पोलिसांनी ताब्‍यात घेतले आहे. (Maharashtra News)
आयपीएल (IPL) क्रीकेट मॅचवर सट्टा (IPL Betting) लावला जात आहे. यात पुण्यातील खराडी परिसरात बंद फ्लॅटमध्ये आयपीएल क्रिकेट मॅचवर बेटिंग घेत होते. वेबसाईटचा वापर करून सध्या भारतात सुरु असलेल्या टाटा आयपीएल २०२३ च्या मुंबई इंडीयन्स व लखनौ सुपर जायंट्स या लाईव्ह क्रिकेट सामन्यांवर ऑनलाईन क्रिकेट बेटींग करीता ग्राहकांना बेकायदेशरपणे लॉगीन आयडी पासवर्ड देवुन त्या बदल्यात क्रिकेट बेटींग करत होते.
बेटींग करणारे अन्‍य राज्‍यातील
पोलिसांना याबाबतची माहिती मिळाली. त्‍यानुसार पोलिसांनी छापा टाकत सगळ्यांना अटक करण्यात आली. हे सर्व बुकी छत्तीसगड, पंजाब आणि बिहारमधील आहेत. गौरव धरमवानी, सुनिश लखवानी, जपजितसिंह बग्गा, जसप्रीत सिंह, तरणदिप सिंह, लालकिशोर राम असे आरोपींची नावे आहेत. आरोपींकडून लॅपटॉप, मोबाईल आणि वायफाय राउटर असा माल जप्त करण्यात आला आहे. पुण्यातील आयपीएल सामन्यांवर बेटिंग करणाऱ्याच्या विरोधात दुसरी मोठी कारवाई आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
