पुणे : सांगवीतील कृष्णा चौक येथील शाहू पॅलेस मधील दुसऱ्या मजल्या वरील फ्लॅट नंबर 11 या ठिकाणी ब्रायडल स्पा अँड ब्युटी सेंटरमध्ये काही मुलींकडून वेश्याव्यवसाय करून घेण्यात येत आहे, अशी गोपनीय माहिती सामाजिक सुरक्षा पथकाला मिळाली होती. या ठिकाणी पोलिसांनी धाड टाकून स्पा सेंटर मध्ये वेश्या व्यवसाय करणाऱ्या आठ मुलींची सुटका केली आहे.
हे देखील पहा :
पोलिसांना मिळालेल्या माहितीच्या आधारे बनावट ग्राहक तयार करून पोलिसांनी हा सेक्स रॅकेट उद्ध्वस्त करून महिलांची सुटका केली आहे. वेश्या व्यवसाय करणाऱ्या तीन महिला ह्या नेपाळच्या असून तर एक महिला आसाम, एक महिला पश्चिम बंगाल, एक महिला दिल्ली आणि एक महिला महाराष्ट्र राज्यातील रहिवासी आहे.
या धाड प्रकरणात सामाजिक सुरक्षा पथकाने सांगवी पोलीस स्टेशन मध्ये स्पा सेंटरचे मालक पार्थ सारथी महंती आणि मॅनेजर शेख लतीफ निजाम या दोघांविरोधात अनैतिक व्यापार प्रतिबंधक अधिनियम आणि भादंवि कलम 370 नुसार गुन्हा दाखल केला आहे.
Edited By : Krushnarav Sathe
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
